როგორც ბრიტანული პრესისთვის გახდა ცნობილი, "მანჩესტერ იუნაიტედის" კაპიტანი ჰარი მაგუაირი ინგლისის პრემიერ ლიგის მომდევნო შეხვედრას "ვულვერჰემპტონის" წინააღმდეგ გამოტოვებს, რომელიც 3 იანვარს არის ჩანიშნული.
აღნიშნული ინფორმაცია, ტვიტერის საკუთარ გვერდზე ცნობილმა ინსაიდერმა ბენ დინერმა გამოაქვეყნა. წყაროს ცნობით, ერთ-ერთ ვარჯიშზე მცველმა მცირე დაზიანება მიიღო.
მაგუაიერის ტრავმას მოწმობს ის ფაქტიც, რომ ფეხბურთელი წინასამატჩო შეკრებაზე თანაგუნდელებთან ერთად სასტუმროში არ დაბინავებულა.
ამჯერად რანგნიკის წინაშე დილემაა, რადგან გუნდის სხვა ცენტრალური მცველებიც ლაზარეთში იმყოფებიან. სავარაუდოა, რომ სპეციალისტი დაცვის ცენტრალურ ხაზში ნემანია მატიჩს გადაიყვანს.