ევროპული ტოპ - კლუბების მხრიდან აქტიური ინტერესის გამო, "მარსელმა" გუნდის ერთ-ერთი ლიდერის გაყიდვა გადაწყვიტა. საუბარია 22 წლის ნახევარმცველ ბუბაკარ კამარაზე, რომელიც "მილანისა" და "მანჩესტერ იუნაიტედის" რადარებზე მოხვდა.

როგორც ცნობილი გამოცემა Calcio Mercato-ს მოწმობს, ფრანგული კლუბის ხელმძღვანელობას არ სურს ფეხბურთელის სახლში დარჩენის მცდელობით გარისკვა.

კამარას კონტრაქტი მომავალ ზაფხულს ეწურება, ამიტომ ზამთრის სატრანსფერო ფანჯარა არის ბოლო შესაძლებლობა, რომ მისი საშუალებით კლუბმა ცოტაოდენი თანხა იშოვოს.

რაც შეეხება ფეხბურთელის სატრანსფერო ფასს, Transfermarkt-ის ექსპერტები ნახევარმცველის ღირებულებას 25 მილიონ ევროდ აფასებენ.