თავდამსხმელს, ენტონი მარსიალს ზამთრის სატრანსფერო ფანჯრის გახსნისთანავე "მანჩესტერ იუნაიტედის" დატოვება სურს. ამის შესახებ ფეხბურთელის წარმომადგენელმა ფილიპ ლამბოლიმ განაცხადა.
"ენტონის იანვარში "მანჩესტერ იუნაიტედის" დატოვება სურს. მას უბრალოდ სათამაშო პრაქტიკის მიღება სჭირდება. მას არ სურს სეზონის მეორე ნაწილისთვის დარჩენა და ამას კლუბთან მალე განვიხილავ“, - განაცხადა Sky Sports-ისთვის მიცემულ ინტერვიუში ფეხბურთელის აგენტმა.
2021/2022 წლების სეზონში ენტონი მარსიალმა "წითელი ეშმაკების" რიგებში ათ მატჩში მხოლოდ 359 წუთი ითამაშა. ფრანგმა ერთი გოლი ოქტომბრის დასაწყისში პრემიერ ლიგაში "ევერტონის" წინააღმდეგ გაიტანა, მას შემდეგ მისი პირადი აქტივების გრაფაში 0 წერია.
შეგახსენებთ, რომ ენტონი მარსიალი "მანჩესტერ იუნაიტედში" 2015 წლიდან ასპარეზობს, იმ დროს ტრანსფერი ფრანგული "მონაკო" - დან შედგა.
ინტერვიუები
9 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.