შაბათს, ინგლისის პრემიერ ლიგა "მანჩესტერულ" დერბის - "იუნაიტედი" VS "სიტის" უმასპინძლებს. "ქალაქელების" მთავარმა მწვრთნელმა ხოსეპ გვარდიოლამ ჟურნალისტებისთვის მიცემულ ინტერვიუში მოწინააღმდეგეზე ისაუბრა და მათი შემადგენლობიდან რონალდუ გამოყო.

"მე არ მინახავს "მანჩესტერ იუნაიტედის" მატჩი "ატალანტასთან". ვაპირებ ვნახო და გავაანალიზო თუ რამდენად კარგები არიან ისინი. მათ ჰყავთ ისტორიაში ერთ-ერთი საუკეთესო ფეხბურთელი - ბიჭი, რომელიც გოლების მანქანაა“, - ციტირებს გვარდიოლას სიტყვებს გამოცემა ESPN.

"მანჩესტერ იუნაიტედისა" და "მანჩესტერ სიტის" დაპირისპირება სტარტს 6 ნოემბერს თბილისის დროით 16:30 სთ-ზე აიღებს სტარტს.

შეგახსენებთ, რომ ამ მომენტისთვის ოლე გუნარ სულშერის გუნდი 17 ქულით მეხუთე ადგილს იკავებს, ხოლო რაც შეეხება "სიტის", ისინი სატურნირო ცხრილის მესამე ადგილზე 20 ქულით იმყოფებიან.