"იუნაიტედთან" განცდილი მარცხის შემდეგ, ლონდონის "ტოტენჰემის" მთავარი მწვრთნელი ნუნო ეშპირიტუ სანტუ დაკავებული თანამდებობიდან გათავისუფლებული იქნა.

სპორტული პრესა უმალ ალაპარაკდა, თუ ვინ იქნება "დეზების" შემდეგი მთავარი მენეჯერი. მთელი დღის განმავლობაში ვრცელდებოდა სხვადასხვა ინფორმაციები, რომ თითქოს კლუბს იტალიელი სპეციელისტი ანტონიო კონტე ჩაუდგებოდა სათავეში.

თუმცა არა. კონტეს პრემიერ ლიგაში თავისი ფავორიტი ჰყავს და ეს ლონდონური კლუბი ნამდვილად არ გახლავთ. ცნობილი ჟურნალისტის ნიკოლო სკირის მიერ გავრცელებული სიახლით, ანტონიო "წითელი ეშმაკების" ბანაკში მიმდინარე სიტუაციას აკვირდება.

მოგეხსენებათ, ოლე გუნარ სულშერის გათავისუფლების საკითხი მცირე ხნით გადაიდო. როგორც ჩანს კონტე თავს მის შემცვლელად მოიაზრებს.