"ატალანტასთან" მიღებული დაზიანების შემდეგ მარკუს რეშფორდი "ლივერპულთან" დაპირისპირებისათვის ფორმაში ყოფნისათვის იბრძვის.

მაისში გამართული ევროპა ლიგის ფინალის შემდეგ ინგლისელმა შემტევმა პირველი მატჩი ჩაატარა "იუნაიტედის" სასტარტო შემადგენლობაში და თავი გატანილი გოლითაც გამოიჩინა.

24 წლის ფეხბურთელი 66-ე წუთზე იძულებით შეცვალა მთავარმა მწვრთნელმა, რადგან მან ბარძაყის ტრავმა მიიღო.

მატჩის შემდეგ ოლე გუნარ სოლსკიაერს ჰკითხეს, იქნებოდა თუ არა მზად მარკუსი "ლივერპულთან" დაპირისპირებისთვის, რის შესახებაც განაცხადა: "არ ვიცი, მაგრამ იმედი მაქვს და ვიმედოვნებ, რომ ასე იქნება. ბარძაყის ტრავმა მიიღო და ზოგჯერ ამას იმაზე მეტი დრო სჭირდება, ვიდრე გგონია, მაგრამ თუ კარგად ვუმკურნალებთ, გამოჯანმრთელდება."

გდანსკში "ვილიარეალთან" გამართული შეხვედრის შემდეგ რეშფორდმა ინგლისის ნაკრების რიგებშიც იასპარეზა ევროპის ჩემპიონატზე, მოგვიანებით კი ოპერაცია გაიკეთა.

"ძალიან ბევრს შრომობდა. ტრავმისა და ოპერაციის გამო კონტაქტური ვარჯიში არ შეეძლო, მაგრამ ფიზიკურად ბევრს ვარჯიშობდა და სწორედ ამ კომპონენტში მოუმატა ძალიან. ახლა საქმე ფეხბურთთან დაბრუნებაში და ის უბრუნდება კიდეც.

მარკუსი ძალიან ნიჭიერი ფეხბურთელია, მაგრამ თავის თამაშზეც ბევრი უნდა იმუშაოს და კონტაქტური ვარჯიშების გარეშე აკეთებდა ამას. ეს "ატალანტასთან" მატჩშიც გამოჩნდა და ძალიან კარგი გოლიც გაიტანა"., - განაცხადა სოლსკიაერმა.

წყარო: manutd.com