ოლე გუნარ სოლსკიაერმა ხელმისაწვდომი ფეხბურთელების შესახებ ისაუბრა.
ოლე გუნარ სოლსკიაერმა "ლესტერ სიტისთან" მატჩის წინ გამართულ პრეს-კონფერენციაზე გუნდის მდგომარეობის შესახებ ახალი ცნობები გაავრცელა.
ბოლო ორი კვირის განმავლობაში ეს "იუნაიტედის" პირველი მატჩი იქნება, მაგრამ მიუხედავად ამისა, ფეხბურთელთა უმრავლესობა მაინც დაკავებული იყო სანაკრებო დონეზე თამაშით.
ინგლისის ნაკრების რიგებში ითამაშა ლუკ შოუმ, რომელსაც მცირე დაზიანება ჰქონდა მიღებული კლუბის რიგებში, თუმცა იგივე ვერ შეძლო ჰარი მაგუაიერმა, რომელიც "ასტონ ვილასთან" მატჩში დაშავდა.
ტრავმა მიიღო ასევე კაპიტნის პარტნიორმა რაფაელ ვარანმაც, რაც იმას ნიშნავს, რომ შაბათის მატჩში, დიდი ალბათობით, ერიკ ბაიი და ვიქტორ ლინდელოფი ითამაშებენ.
"დიახ, როგორც იცით, სანაკრებო პაუზების დროს თითები უნდა გადააჯვარედინო და საუკეთესოს მოლოდინში იყო. რაფაელმა ტრავმა მიიღო და რამდენიმე კვირა არ იქნება, სამაგიეროდ კი ერიკ ბაიიმ და ლინდელოფმა კარგი სათამაშო პრაქტიკა მიიღეს და ეს კარგია", - განაცხადა ოლე გუნარმა.
იმასთან ერთად, რომ მარკუს რეშფორდი გამოჯანმრთელდა და სათამაშოდ მზად არის, გუნდს დააკლდებიან ფრედი და ედინსონ კავანი, რომლებმაც პარასკევს დილას ერთმანეთის წინააღმდეგ გამართეს მატჩი მსოფლიო ჩემპიონატის საკვალიფიკაციო ეტაპზე.
"ფრედისა და კავანისადმი დიდი პატივისცემის მიუხედავად, ისინი ამ მატჩში არ იქნებიან, რადგან სანაკრებო შეხვედრა ახლახან ითამაშეს. მათ დასვენებისა და ძალების აღდგენისთვის დროს მივცემთ, რაც, რა თქმა უნდა, აუცილებელია.
მათ კარგი მატჩი ჩაატარეს და ეს ჩვენთვის კარგია. ტრავმა არ აქვთ, ამიტომ შუა კვირაში ჩემპიონთა ლიგაზე იქნებიან ხელმისაწვდომნი", - დაამატა მწვრთნელმა.
წყარო:
manutd.com