"მანჩესტერ იუნაიტედმა" ოფიციალურად დაადასტურა ტრანსფერი. ტურინის "იუვენტუსის" პორტუგალიელი სუპერვარსკვლავი კრიშტიანუ რონალდუ "ოლდ ტრაფორდზე" იასპარეზებს.

"მანჩესტერ იუნაიტედი" მოხარულია გაცნობოთ, რომ ტურინის "იუვენტუსთან" შეთანხმება მიღწეულ იქნა კრიშტიანუ რონალდუს ტრანსფერთან დაკავშირებით, ფეხბურთელმა "წითელ ეშმაკებთან" კონტრაქტის პირადი დეტალები შეათანხმა, დარჩენილია ვიზასთან დაკავშირებული მცირედი დეტალები და სამედიცინო შემოწმება.

კლუბში ყველა მოუთმენლად ელის კრიშტიანუს დაბრუნებას "მანჩესტერში". - ნათქვამია კლუბის ოფიციალურ ვებ - გვერდზე.

კრიშტიანუ გახლავთ ოქროს ბურთის ხუთგზის მფლობელი და 30 - ზე მეტი ტიტული ამშვენებს მის დიდებულ კარიერას, მათ შორის ჩემპიონთა ლიგის ხუთი თასი, შვიდი საჩემპიონო ტიტული ინგლისსა ესპანეთსა და იტალიაში და ასევე ეროვნულ ნაკრებთან ერთად ევროპის ჩემპიონატი.

"ოლდ ტრაფორდზე" ასპარეზობისას, კრიშტიანუმ "წითელი ეშმაკების" მაისურით 292 - მატჩში მიიღო მონაწილეობა, საკუთარი აქტივი კი 118 გოლით შეავსო.



წყარო: manutd.ru