საფეხბურთო სამყარო ქვეყნების ჩემპიონატების დაწყებას ზეიმობს. სტარტი აიღო მსოფლიოს მასშტაბით ერთერთ საუკეთესო ჩემპიონატმა ინგლისის პრემიერ ლიგამ.

ოლე გუნარ სოლსკიაერის "მანჩესტერ იუნაიტედმა" საწყისი ეტაპი ხმაურიანი გამარჯვებით დაიწყო. თუმცა, ნორვეგიელი მენეჯერის შემადგენლობაში დანაკლისია.

გუნდს ინგლისელი შემტევი ძალა მარკუს რეშფორდი აკლია. "ვარსკვლავბიჭუნამ" მხარზე მიღებული ტრავმის გამო ოპერაცია ჩაიტარა და აღდგენით კურსებს გადის.

კლუბის გულშემატკივრებისა და მარკუსის პერსონალური ფანებისათვის The Sun - ი სასიამოვნო ინფორმაციას ავრცელებს. კერძოდ, რეშფორდი მოედანს იმაზე ადრე დაუბრუნდება ვიდრე ეს დაგეგმილი იყო.

მეტიც, მიღებული შედეგებისა და ფეხბურთელის წარმატებული ფიზიოპროცედურების შემდეგ რეშფორდი მოედანს შესაძლოა მიმდინარე თვის ბოლოს დაუბრუნდეს.

შეგახსენებთ, რომ მხრის ტრავმა მარკუს რაშფორდს გასული სეზონიდან აწუხებდა. ფეხბურთელმა ევროპის ჩემპიონატის გამო აღნიშნული ოპერაცია დროებით გადადო.

სწორედ ნაკრების გამო მოუხდა ფეხბურთელს პრემიერ ლიგის სტარტის გამოტოვება თუმცა ამჟამად უკვე როგორც ჩანს ყველაფერი ჩვეულ ფორმას დაუბრუნდება ფეხბურთელისათვის.