ცნობილი ინსაიდერის ფაბრიციო რომანოს მიერ გავრცლებული ცნობით, "მანჩესტერ იუნაიტედის" ახალწვეულმა რაფაელ ვარანმა სამედიცინო შემოწმების პირველი ნახევარი დღეს დაასრულა.

აქამდე ფრანგი ფეხბურთელი კარანტინში იმყოფებოდა, სადაც ინგლისში ჩასვლისთანავე განთავსდა. ხვალ სამედიცინო შემოწმების დასკვნითი ნაწილი შესრულდება და 28 - წლის ცენტრალური მცველი "წითელ ეშმაკებთან" კონტრაქტს ხელს მოაწერს.

ხელშეკრულების პირობებით რაფაელი "იუნაიტდთან" 2025 წლამდე იქნება დაკავშირებული. შესანიშნავი მადრიდული კარიერის შემდეგ ფეხბურთელი ოლე გუნარ სოლსკიაერის შემადგენლობაში ახალ გამოწვევებს მიიღებს.

შეგახსენებთ, რომ ნიჭიერმა უკანახაზელმა "რეალის" შემადგენლობაში 4 - ჩემპიონთა ლიგის და სამი ესპანეთის ჩემპიონატის მოგება შეძლო.