ა "მანჩესტერ იუნაიტედში "რეალის" მცველის, რაფაელ ვარანის გადასვლის სატრანსფერო საგა შეიძლება დიდი ხნით გაიწელოს. თითქოს ყველაფერი მოგვარებული იყო, თუმცა ნუ იჩქარებთ.

ის რომ ვარანთან პირადი კონტრაქტის დეტალები შეთანხმებულია, ეს უკვე არაერთმა გამოცემამ დაწერა, თუმცა ყველაფერი ახლა კლუბსბ შორიოს მოლაპარაკებებზეა დამოკიდებული.

რაფაელ ვარანს მადრიდის "რეალთან" კონტრაქტი მომავალ ზაფხულს ეწურება და ის აუცილებლად ამ ზაფხულის სატრანსფერო ფანჯაარზე უნდა გაიყიდოს, სხვა შემთხვევაში "რეალი" მის სანაცვლოდ ერთ თეთრს ვერ მიიღებს. ეს კი "მანიუს" წისქვილზე ასხვას წყალს.

ესპანური გამოცემა ვარაუდობს, რომ "იუნაიტედი" მოლაპარაკებების პროცესს შეგნებულად აჯანჯლებს, რათა "რეალს" ფეხბურთელის გასაყიდად უფრო და უფრო ცოტა დრო დარჩეს და შედარებით დაბალ ფასად გაყიდვას დათანხმდეს.

"რეალი" ვარანში 70 მილიონს ითხოვს, "მანიუ" კი ნამდვილად არ აპირებს ამ თანხის აგდახდას ფეხბურთელში, რომელსაც კონტრაქტი 1 წელში ეწურება და თან პირადი კონტრაქტის ყველა დეტალი შეთანხმებულია.

შეთავაზება ასეთია: 45 მილიონი ევრო + 5 მილიონი ბონუსების სახით, თუმცა "რეალს" იმედი აქვს, რომ კარლო ანჩელოტი ვარანს დაელაპარაკება და წასვლას გადაფიქრებინებს. როგორც არუნდა იყოს ვარანი ვალდებულია 2 დღეში მადრიდში დაბრუნდეს და წინასასეზონო სამზადისში მიიღოს მონაწილეობა.