Daily Mail- ის ჟურნალისტმა მაიკ კიგანმა თქვა, რომ პრემიერ ლიგამ გადაწყვიტა სასჯელი, რომელიც ელის სუპერ ლიგის პროექტში შესულ ექვს კლუბს.

"მითხრეს, რომ პრემიერ ლიგა დააჯარიმებს "დიდი ექვსის" კლუბებს ჯამში 22 მილიონი ფუნტი სტერლინგით. სასჯელი არ მოიხსნება", - დაწერა კიგანმა. "ეს თანხა მოხმარდება საფეხბურთო საზოგადოების განვითარებას და არა სხვა კლუბებს. თუ მომავალში რომელიმე კლუბი ისევ მსგავს რამეს გააკეთებს, ის 25 მილიონით დაჯარიმდება და მას 30 ქულა ჩამოაკლდება."

Daily Mail ასევე წერს, რომ პრემიერ ლიგაში დარჩენილი 14 კლუბიდან ზოგი ითხოვდა დაუყოვნებლივ ქულების ჩამოჭრას, მაგრამ პრემიერ ლიგის ხელმძღვანელობაში არსებობდა მოსაზრება, რომ ამ კლუბებიდან ბევრი სიამოვნებით შევიდოდა სუპერ ლიგის პროექტში, თუ მათ მიიწვევდნენ.

შეგახსენებთ, რომ "დიდი ექვსის" კლუბები უეფამ ერთხელ უკვე დააჯარიმა 1,5 მილიონი ფუნტით - ეს თანხა ევროპული ბაზისა და ბავშვთა ფეხბურთის განვითარებას მოხმარდება.