"მანჩესტერ იუნაიტედის" ახალგაზრდა ინგლისელი კარის დარაჯი დინ ჰენდერსონი, ოლე გუნარ სოლსკიაერის გუნდში მხოლოდ ერთი პირობით დარჩება - მას შემადგენლობაში ძირითადი ადგილის დამკვიდრება და პირველი ნომრობა სურს.

როგორც ჩანს, მომავალი სეზონიდან ჰენდერსონს დე ხეას ჩანაცვლება აქვს დაგეგმილი. იმ შემთხვევაში თუ ჰენდერსონი ისევ სათადარიგო მეკარის ფუნქციის შემსრულებლად განიხილება მას კლუბის დატოვება და კარიერის სხვა კლუბში სურს გაგრძელება.

სხვა შემთხვევაში დინ ჰენდერსონს "ოლდ ტრაფორდიდან" აბარგება სურს. კლუბის მენეჯმენტმა შესაძლოა ინგლისელი ისევ არენდის წესით გაასხვისოს.

დინსი გადაბირების მსურველებს შორის ტომას ტუხელის "ჩელსი", კიდევ ერთი ლონდონური კლუბი "ტოტენჰემი" და იტალიური "მილანი" სახელდებიან.

რაც შეეხება "იუნაიტედის" ძირითად მეკარეს დავიდ დე ხეას, კლუბში მისი მომავლის შესახებ მკაფიო გადაწყვეტილება ჯერ კიდევ არ მიღებულა. ესპანელის გადაბირებას "ატლეტიკო" და "პარი სენ ჟერმენი" ცდილობენ.

"ოლდ ტრაფორდზე" ფიქრობენ რომ ორიდან ერთ ერთი მეკარე აუცილებლად დარჩება ნორვეგიელი სპეციალისტის შემადგენლობაში. კლუბის წარმომადგენლებისა და დინ ჰენდერსონის აგნეტს შორის მოლაპარაკებების დაწყება იგეგმება. ინფორმაციას - Sky Sports - ი ავრცელებს.