ბრუნო ფერნანდეში ზედიზედ მეორედ დასახელდა სეზონის საუკეთესო მოთამაშედ, იუწყება "მანჩესტერ იუნაიტედის" ოფიციალური ვებგვერდი.

ორასზე მეტი ქვეყნის გულშემატკივრებმა მონაწილეობა მიიღეს კენჭისყრაში და დაადგინეს სერ მეტ ბასბის სახელობის პრიზის მფლობელი.

ჯილდოსთვის ბრძოლაში ბრუნო ფერნანდეშის მთავარი კონკურენტები იყვნენ ლუკ შოუ და ედინსონ კავანი. ამასთან, პორტუგალელმა ხმათა 63% მიიღო, ხოლო შოუმ და კავანმა 21% და 6% მიიღეს. გასულ წელს ბრძოლა გაცილებით მწვავე აღმოჩნდა - ბრუნო მხოლოდ 1.5% -ით უსწრებდა ენტონი მარსიალს.

ფერნანდეშმა ამ სეზონში 28 გოლი და 17 საგოლე გადაცემა გააკეთა. იგი ორჯერ დასახელდა თვის საუკეთესო მოთამაშედ და კიდევ ორჯერ იყო ამ პრიზის ნომინანტთა შორის. ბრუნო 12-ჯერ ასევე დასახელდა მატჩის საუკეთესოდ.