ფერნანდეში გახდა "იუნაიტედის" გამორჩეული ფეხბურთელი მას შემდეგ, რაც 2020 წელს "სპორტინგიდან" გადმოვიდა და ის ახლოსაა ახალ კონტრაქტთან.

პორტუგალიელ ნახევარმცველს, სავარაუდოდ სურს გარკვეული გარანტიები კვირაში 200,000 ფუნტ სტერლინგის ღირებულების გარიგების გაფორმებამდე.

The Sun - ის აზრით, ოლე გუნარ სოლსკიაერმა უნდა განიხილოს ახალი ცენტრალური მცველის მოყვანა და ასევე ნახევარმცველის დამატება, რომელიც ბურთთან ერთად კომფორტულად გრძნობს თავს.

Mirror - მივიდა იმ დასკვნამდე, რომ "სევილიას" ცენტრალური მცველი ჟიულ კუნდე და "ვესტ ჰემის" ნახევარმცველი დეკლან რაისი შესანიშნავად შეეფერებათ "წითელ ეშმაკებს" .

კუნდემ მონაწილეობა მიიღო ევროპა ლიგის გამარჯვებაში, რომელშიც მათ ნახევარფინალურ ეტაპზე დაამარცხეს "იუნაიტედი".

რაისის შემთხვევაში, ის დაეხმარა "ვესტ ჰემს" ევროპულ ტურნირებზე გასასვლელად იბრძოლოს.

22 წლის ფეხბურთელს უკავშირებდნენ იანვარში "ჩელსიში გადასვლას", მაგრამ ეს ნაბიჯი ვერ განხორციელდა. ამბობდნენ, რომ ყოფილი მენეჯერი ფრენკ ლამპარდი დიდი გულშემატკივარი იყო, მაგრამ ტომას ტუხელის მოსვლამ ამ კავშირების გაქრობა გამოიწვია.

დევიდ მოიესს არც რაისის დაკარგვა სურს, რომელსაც განიხილავენ, როგორც "ჩაქუჩების" ერთ-ერთ ყველაზე მნიშვნელოვან მოთამაშედ.

ის ამჟამად ტრავმირებულია, მაგრამ მოსალოდნელია, რომ შაბათს საღამოს დაბრუნდება "ბრაიტონის" წინააღმდეგ.

პოლ პოგბას მომავალი ასევე მნიშვნელოვან როლს შეასრულებს ფერნანდეშის ახალ კონტრაქტზე.

The Sun - აცხადებს, რომ მას სურს დაინახოს, თუ რა მოხდება პოგბას შემთხვევაში, რადგან თვლის, რომ ის არის "წითელი ეშმაკების" მთავარი მოთამაშე.

პოგბას აგენტი მინო რაიოლა ახმაურდა, როდესაც საქმე მისი კლიენტის მომავალს ეხება და მსოფლიო თასის გამარჯვებულის ამჟამინდელი გარიგება იწურება 2022 წელს.

თუ ის წასვლას გადაწყვეტს, ეს იქნებოდა დარტყმა ფერნანდეშისთვის, რომელმაც მჭიდრო კავშირი დაამყარა თანაგუნდელთან მოედანზე და მის გარეთ.

"მე ვფიქრობ, რომ მოედანზე საუკეთესოა. ჩვენ ერთად ბევრად უკეთესი შეგვიძლია", - განუცხადა ფერნანდეშმა "იუნაიტედის" ოფიციალურ ვებგვერდს.

არსებობს მოსაზრება, რომ ბრუნო სწორედ მაგიტომ არ აწერს ახალ კონტრაქტს ხელს და ელოდება ზაფხულის სატრანსფერო ბაზარზე განვითარებულ მოვლენებს.