"მანჩესტერ იუნაიტედი" ბრუნო ფერნანდეშთან ახალი გაუმჯობესებული ხელშეკრულების საკითხს განიხილავს. კლუბის ხელმძღვანელობა ევროპის ჩემპიონატის დაწყებამდე, ფეხბურთელის აგენტს შეხვდება. ინფორმაციას - The Sun - ავრცელებს.

"წითელი ეშმაკები" გეგმავენ, რომ შემტევ ნახევარმცველს სახელფასო განაკვეთი გაუზარდონ. მოლაპარაკებების წარმატებით დასრულების შემთხვევაში ბრუნო "ოლდ ტრაფორდზე" კვირაში 230 ათას ევროს გამოიმუშავებს.

აღსანიშნავია ასევე ისიც, რომ ბრუნო ფერნანდეშისთვის მნიშვნელოვანი საკითხია "მანჩესტერ იუნაიტედის" სამომავლო გეგმები. ფეხბურთელს სურს კლუბთან ერთად მომავალი ნაბიჯების გადადგმა და წარმატებების მიღწევა.

პორტუგალიელი ვარსკვლავი "მანჩესტერ იუნაიტედში" 2020 - წლის იანვრიდან ასპარეზობს. კლუბში ჩატარებულ 75 - მატჩში, ნახევარმცველმა მოწინააღმდეგეთა კარი 38 - ჯერ დალაშქრა ხოლო თანაგუნდელებს 25 - ჯერ გაატანინა.