სუპერ ლიგის პროექტის წარუმატებლობის გამო, "მანჩესტერ იუნაიტედის" მფლობელები და ეგრეთ წოდებული "დიდი ექვსიანის" სხვა კლუბების მფლობელები იძულებულნი იქნებიან ხელი მოაწერონ შეთანხმებას, რომლითაც ისინი ვალდებულებას აიღებენ დაიცვან პრემიერ ლიგის პრინციპები.

”პრემიერ ლიგის დასაცავად დამატებითი წესები და ღია კონკურენციის პრინციპები გაერთიანდება მესაკუთრეთა ხელშეკრულებაში, რომელსაც ხელს მოაწერს ყველა კლუბის მფლობელი”, - ნათქვამია პრემიერ ლიგის განცხადებაში - "ამ ქარტიის დარღვევა გამოიწვევს სერიოზულ ჯარიმებს. ეს იმისთვის კეთდება, რომ რამდენიმე კლუბის მოქმედებამ არ გამოიწვიოს საფეხბურთო სტრუქტურის დანაწევრება და განადგურება."

"ბოლო კვირების მოვლენები დაუპირისპირდა ინგლისური ფეხბურთის საფუძვლებს. პრემიერ ლიგამ გაატარა მთელი რიგი ღონისძიებები ძირითადი ფასეულობების გასამაგრებლად: ღია საფეხბურთო პირამიდა, სპორტული დამსახურების მიღწევა და სპორტული მთლიანობის უმაღლესი სტანდარტები. ეს ზომები მიზნად ისახავს მომავალში განხეთქილების საფრთხის თავიდან აცილებას."

ამავე დროს, პრემიერ ლიგის ხელმძღვანელობამ დაგმო გულშემატკივართა ჯგუფის საქციელი, რომელიც შეიჭრა "ოლდ ტრაფორდის" მოედანზე და გამოაცხადა, რომ ისინი გამოიძიებდნენ ამ ინციდენტს.

"სუპერლიგის პროექტის წინააღმდეგობა მთელ ფეხბურთს აერთიანებს და ჩვენ კარგად გვესმის ფეხბურთის გულშემატკივრების ხმა. პრემიერ ლიგა აღიარებს მათი გრძნობების სიძლიერეს და გულშემატკივრის უფლებას, იცოდნენ რა ხდება, მაგრამ ჩვენ ვთხოვთ, რომ ყველა პროტესტი მშვიდობიანად ჩატარდეს."

”მცირე ჯგუფის ქმედებებს, რომლებიც კვირას შეიჭრნენ "ოლდ ტრაფორდზე", არანაირი გამართლება არ აქვს და მათ შეისწავლიან პრემიერ ლიგა, ფეხბურთის ასოციაცია და მანჩესტერის პოლიცია.” ნათქვამია განცხადებაში.

http://www.manutd.ru/