გავრცელებული ინფორმაციით, დორტმუნდის ბორუსიამ სანჩოს ფასი შეამცირა.

მომავალი სატრანსფერო ფანჯარა "მანჩესტერ იუნაიტედში" დატვირთული იქნება, რადგან ოლე გუნარ სოლსკიაერი და დირექტორი ჯონ მურტოუ მიზნად ისახავს გუნდის გაძლიერებას.

მიუხედავად იმისა, რომ სხვა პოზიციები, როგორიცაა ცენტრალური მცველი და ნახევარდაცვა სავარაუდოდ პრიორიტეტული იქნება, გუნდისთვის პრიორიტეტი მარჯვენა ფლანგის გაძლიერება რჩება. მენეჯერის სურვილების სიაში, სანჩო ისევ პირველი სამიზნეა.

გასულ ზაფხულს სანჩო იყო "იუნაიტედის" მთავარი სამიზნე, მაგრამ მათ ვერ მიაღწიეს შეთანხმებას და ვერ დაითანხმეს "დორტმუნდი" შეემცირებინათ მოთხოვნილი ფასი, რომელიც 100 მილიონი ფუნტი იყო.

ამასთან, გერმანული გამოცემის Sport1 - ის თანახმად, "დორტმუნდი" ამ წელს შეამცირებს ფასს 85-90 მილიონ ევრომდე, ფინანსური ზარალის გამო, რომელიც კლუბმა განიცადა.

"დორტმუნდში" ამბობენ, რომ ნებისმიერი გარიგება უნდა დასრულდეს ივლისის ბოლომდე, სანამ ისინი წინასასეზონო მოსამზადებლად გაემგზავრებიან.

ამასობაში, "იუნაიტედმა" სავარაუდოდ, შეადგინა მოკლე სია, რომელიც შეცვლის პოლ პოგბას, თუ იგი ამ ზაფხულს დატოვებს კლუბს.

ფრანგის კონტრაქტი იწურება 2022 წელს და მიუხედავად იმისა, რომ ის ამჟამად საუკეთესო ფორმაშია, ვადის გაგრძელება ჯერ შეთანხმებული არ არის.

Mirror იუწყება, რომ თუ "იუნაიტედი" იძულებული იქნება გაყიდოს პოგბა, რათა თავიდან იქნას აცილებული მისი უფასოდ გაშვება, მისი შემცვლელთა სია უკვე შედგენილია. დეკლან რაისი, ვილფრედ ნდიდი და საულ ნიგეზი არიან პოლის პოტენციურ შემცვლელთა სიაში.