გარი ნევილმა მოუწოდა გლეიზერების ოჯახს გაყიდოს "მანჩესტერ იუნაიტედი" კვირის დრამატული პროტესტის შემდეგ. როი კინმა, "იუნაიტედის" კიდევ ერთმა ყოფილმა კაპიტანმა, მხარი დაუჭირა მხარდამჭერებს და თქვა, რომ ეს მხოლოდ დასაწყისი იყო მფლობელების მოსაცილებლად.

ნევილი იმედოვნებს, რომ საპროტესტო აქციები გააერთიანებს ფეხბურთის გულშემატკივრებს და იქნება მოზომილი, მშვიდი და მკვეთრი" ფორმით. მას შემდეგ, რაც გავნვიტარებულმა მოვლენებმა, მათ შორის უწესრიგობამ და ძალადობამ, აიძულა გადადებულიყო თამაში. "იუნაიტედის" მცდელობამ სუპერლიგაში გაწევრიანებულიყო გამოიწვია გულშემატკივრების გაბრაზება და გლეიზერების წინააღმდეგ პროტესტმა საგრძნობლად იმატა.

"ეს არის შედეგი "მანჩესტერ იუნაიტედის" მფლობელების ორი კვირის წინანდელი ქმედებებისა", - თქვა ნევილმა. "მფლობელების მიმართ ზოგადი უნდობლობა და სიძულვილია, მაგრამ ისინი ორი ან სამი კვირის წინ პროტესტს არ გამოხატავდნენ."

"დიდი უკმაყოფილებაა. ისინი ძირითადად ამბობენ, რომ საკმარისია. გლეიზერების ოჯახი მრავალი წლის განმავლობაში მტკიცე და ჯიუტი იყო. მათ ქვეყნის საუკეთესო სტადიონი ჰქონდათ, ალბათ ერთ-ერთი საუკეთესო ევროპაში; გუნდი რეგულარულად გადიოდა ჩემპიონთა ლიგის ნახევარფინალებში, მეოთხედფინალებსა და ფინალებში ყველა სეზონში".

"ახლა კლუბს უყურებ. ეს სტადიონი, თუ კულისები, დაჟანგული და დამპალია. სავარჯიშო მოედანი ახლა ალბათ ხუთეულში არც არის ამ ქვეყანაში. 10 წლის განმავლობაში ვერ მოხვდნენ ჩემპიონთა ლიგის ნახევარფინალში და რვა წელია არ აქვთ მოგებული პრმიერ ლიგა. სტადიონი გარშემო განუვითარებელია, მიძინებული და მიტოვებული. ყველა სხვა კლუბი ავითარებს თავის ობიექტებს".

"გლეიზერების ოჯახი იბრძვის ფინანსური მოთხოვნების დასაკმაყოფილებლად და გულშემატკივრები ამბობენ, რომ დრო ამოიწურა. თუ ამ საფეხბურთო კლუბს ახლა გაყიდიან, ვფიქრობ, დრო შესაფერისი იქნებოდა."

ნევილი იმედოვნებს, რომ მომხრეები გაერთიანდებიან და შეიტანენ ცვლილებებს ინგლისურ ფეხბურთში, მათ შორის მთავრობის მიერ განხილული გზით. ყოფილმა მცველმა ევროპის სუპერლიგის გეგმა შეაფასა, როგორც "საშიში."

"შეიძლება მე გულუბრყვილო ვარ, მაგრამ "მანჩესტერ იუნაიტედი" და "ლივერპული" არიან პრემიერ ლიგის ნათლიები და იმის ნაცვლად, რომ თანხა გონივრულად გადანაწილებულიყო ოჯახში, ამ გუნდებმა მოღალატეებივით გაქცევა მოინდომეს. მათ საკუთარი სიხარბის დემონსტრირება მოახდინეს და შეეცადნენ თავი დაეღწიათ და დაეტოვებინათ ოჯახი. ეს არ არის ის, რასაც ამ კლუბებში აკეთებ. ბოდიშის მოხდა არ არის საკმარისი."

კინის თქმით, "იუნაიტედის" გულშემატკივრები კლუბის სიყვარულის გამო "ოლდ ტრაფორდზე" შეცვიდვნენ. ის, ისევე როგორც ნევილი, "იუნაიტედში" იყო მოთამაშე, როდესაც "გლეიზერზმა" კონტროლი 2005 წელს აიღეს, თუმცა ცოტა ხნის შემდეგ ის წავიდა, ხოლო ნევილი თამაშს 2011 წლამდე აგრძელებდა.

"დაძაბულობა შეიქმნა, იქნებ ეს ბილეთების, ცუდი კომუნიკაციის, უკანა პლანზე მიმდინარე მოვლენების ბრალია", - თქვა კინმა. "კლუბის ხელმძღვანელობა არ იყო საკმარისად კარგი. როდესაც ისინი მფლობელებს უყურებენ, გრძნობენ, რომ ეს ფულის შოვნის საშვალებაა. "იუნაიტედის" გულშემატკივრებმა ითმინეს გლეიზერები და ფიქრობდნენ, რომ საკმარისია".

"ფანები ამას აკეთებენ, რადგან უყვართ კლუბი. ზოგიერთი ადამიანი არ ეთანხმება ამას, მაგრამ ზოგჯერ თქვენ უნდა გააკეთოთ ისე, რომ ხალხმა ყურადღება გაამახვილოს. ეს მთელ მსოფლიოში გავრცელდება და იმედია "მანჩესტერ იუნაიტედის" მფლობელები დაჯდებიან და გაითვალისწინებენ. ეს გულშემატკივრები სერიოზულები არიან და ეს მხოლოდ დასაწყისია გულშემატკივრებისგან, გარანტიას გაძლევთ."

ჯეიმი კარაგერმა ასევე გააკეთა განცხადბა: "ლივერპულის" ყოფილმა მცველმა გააკრიტიკა ისინი, ვინც გადააჭარბა და თქვა, რომ ასეთი ქმედებები ნამდვილად არუნდა დომინირებდეს.

"გვინდა, რომ გულშემატკივრებს ვხედავდეთ სტადიონებზე მარცხნივ, მარჯვნივ და შუაგულში და თამაშების შეწყვეტა?" არა ეს სწორი არ არის. მე არ ვარ ის ვინც აქ იჯდება და "მანჩესტერ იუნაიტედის" გულშემატკივრებს გააკრიტიკებს, რადგან მე წარმოვადგენ "ლივერპულს." იქნებიან იდიოტები, რომლებიც ამაში ჩაერთვებიან, მაგრამ რაც "მანჩესტერ იუნაიტედის" ფანებმა გააკეთეს, ვფიქრობ სინამდვილეში კარგია პროტესტის თვალსაზრისით და არ არიან ბედნიერები კლუბის მდომარეობით".

გრეამ სოუნესმა გააკრიტიკა გულშემატკივრები, რომლებმაც სხვდასხვა ალ მოკიდებული ნივთების სროლა დაიწყეს. "ეს რომ რომელიმე ჩვენგანს მოხვდეს, ჩვენ ვიწვებოდით სავადმყოფოში სახის დამწვრობებით." - თქვა "ლივერპულის" ყოფილმა ფეხბურთელმა. "ასე რომ, სასაცილო სიტუაცია არ არის. ვიღაცა ლუდის სავსე ქილას ისორდა და მისი მოხვედრა ადამიანს შეიძლება სიცოცხლის ფასად დაუჯდეს. ასე რომ, მოდით, არ ვიყოთ მშფოთვარე სიტუაციაში. ეს დაუშვებელია".

მან ასევე აღნიშნა, რომ სიბრაზე არასწორად არის მიმართული.

https://www.theguardian.com/international