ევროპა ლიგის გათამაშება დასკვნით ფაზაში შევიდა. ტურნირი ნახევარფინალური ეტაპების ზღვარზეა. გასულ ხუთშაბათს ერთმანეთს ინგლისური გრანდი "მანჩესტერ იუნაიტედი" და "რომა" დაუპირისპირდნენ.

თავისი მატჩი ითამაშა მიკელ არტეტას "არსენალმა". "მეთოფეებმა" სტუმრად "ვილიარეალის" წინააღმდეგ დათმეს შეხვედრა და ყველაფრის დადებითად გადაწყვეტას ლონდონში ეცდებიან.

იდეალური მატჩი ჩაატარა "მანჩესტერ იუნაიტედის" პორტუგალიელმა ვარსკვლავმა ბრუნო ფერნანდეშმა. ოლე გუნარ სოლსკიაერის შეგირდებმა რომაული კლუბი არ შეიმჩნიეს და გამანადგურებელი ანგარიში 6-2 დააფიქსირეს ტაბლოზე.

რაც შეეხება ბრუნოს მონაგარს, "წითელი ეშმაკების" 18 - ნომერმა საკუთარ აქტივს 2 გოლი და 2 საგოლე გადაცემა შემატა. აღნიშნული სტატისტიკის და კარგი თამაშის დაფიქსირების შემდეგ ბრუნო ევროპა ლიგამ კვირის საუკეთესო ფეხბურთელად დაასახელა.




წყარო: euro-football.ru