პრემიერ ლიგის რიგით 33 - ე ტური "მანჩესტერ იუნაიტედისთვის" არგეტინელი სპეციალისტის მარსელო ბიელსას "ლიდსთან" დაპირისპირებით განახლდა.

გუნდებმა შეხვედრა ნულოვანი ფრით დაასრულეს და ქულებიც გაიყვეს. შეხვედრის შემდეგ ჟურნალისტებისთვის მიცემულ ინტერვიუში "წითელი ეშაკების" ინგლისელმა ცენტრალურმა მცველმა ჰარი მაგუაიერმა განაცხადა, რომ ეს მატჩი მათთვის რთული აღმოჩნდა.

"ეს იყო რთული. ჩვენ ვაკონტროლებდით თამაშს მაგრამ ვერ შევძელით გატანა. "ლიდსის" თამაში ვიპოვეთ, ამის შედეგ ვეცადეთ შეგვექმნა სიტუაცია სადაც ჩვენი ფეხბურთელები მეტოქის კართან ერთ ერთზე დარჩებოდნენ თუმცა ეს ვერ მოხერხდა.

ფერნანდეშის მომენტი? მას შესანიშნავი შანსი ჰქოდა, ნებისიერ სხვა დღეს ის ამ მომენტის რეალიზებას შეძლებდა, თუმცა ასეც ხდება".- ციტირებს Sky Sports - მაგუაიერის სიტყვებს.