"მანჩესტერ იუნაიტედის" ყოფილმა ფხბურთელმა გარი ნევილმა, ჟურნალისტებისთვის მიცემულ ინტერვიუში ედ ვუდვორდის "იუნაიტედის" ვიცე-პრეზიდენტობიდან გადადგომის საკითხზე ისაუბრა და განაცხადა, რომ ამის შემდგომ "იუნაიტედში" გლეიზერების ადგილი აღარ არის.

"ედ ვუდვორდმა იცოდა, რომ მისი დრო ფეხბურთში უკვე დამთავრდა. მან ეს ყველაფერი გააკეთა კრიტიკის თავიდან ასარიდებლად. ის მხოლოდ ხის ზედა ნაწილია, მთავარი პრობლემა მცენარის ფესვებშია.

სანამ ისინი კლუბში ისხდნენ განცხადებები არ კეთდებოდა. არცერთი პრეს-კონფერენცია არ ჩაატარეს. მათ ამ მოქმედებებით ქვეყნის ყველა გულშემატკივარს თავს დაესხნენ.

"გლეიზერების" ადგილი "მანჩესტერ იუნაიტედში" აღარ არის". - ციტირებს Sky Sports - გარი ნევილის სიტყვებს.

შეგახსენებთ, რომ ედ ვუდვორდი კლუბის ვიცე-პრეზიდენტის თანამდებობას გავრცელებული ინფორმაციით მიმდინარე სეზონის დასრულებისთანავე დატოვებს.