22-04-2021, 12:52

ავტორი: Svanchester,

ნანახია: 1093,

კომენტარები: 2

ბერბატოვი: "რამოსი "იუნაიტედში" წარმატებას მიაღწევს"

ბულგარელმა სერხიო რამოსს კლუბის შეცვლა ურჩია.

"მანჩესტერ იუნაიტედის" ექს-ფეხბურთელმა დიმიტარ ბერბატოვმა, მადრიდის "რეალის" ესპანელი მცველის სერხიო რამოსის "იუნაიტედში" შესაძლო ტრანსფერზე საკუთრი მოსაზრება დააფიქსირა.

"ბევრი სპეკულაციებია სერხიო რამოსის შესაძლო ტრანსფერის ირგვლივ. გავრცელებული ინფორმაციით "რეალს" მასთან ახალი კონტრაქტის თაობაზე შეთანხმებისთვის ჯერ კიდევ არ მიუღწევია.

გამომდინარე იქიდან რომ სერხიო უკვე 34 - წლისაა ისინი ახალ ხელშეკრულებაზე დიდი ალბათობით ვერ შეთანხმდებიან. მე დარწმუნებული ვარ იმაში, რომ თუ ის "მანჩესტერ იუნაიტედში" ტრანსფერს მოისურვეებს, წარმატებებს მიაღწევს.

შესანიშნავ ფორმაშია, მსოფლიო დონის ცენტრალური მცველია, ჯერ კიდევ აქვს ძალიან დიდი ენერგია. თუმცა, მას ჯერ კიდევ მადრიდული კლუბის ფეხბურთელად ვხედავ, ვფიქრობ ისინი გამოსავალს იპოვიან. ის დარჩება. მისი წასვლა რა თქმა უნდა გამიკვირდება, ამ შემთხვევაში დარწმუნებული ვარ რამოსის ტრანსფერით ბევრი კლუბი დაინტერესდება". - აცხადებს დასასრულს ბერბატოვი BetFair– თან ინტერვიუში.