10-04-2021, 19:20

ავტორი: Svanchester,

ნანახია: 1095,

კომენტარები: 5

ბრძოლა კულიბალისთვის

"წითელი ეშმაკების" ძველი ინტერესები.

ოლე გუნარ სოლსკიაერის "მანჩესტერ იუნაიტედი" მომავალი სეზონიდან რამოდენიმე პოზიციის გაძლიერებას ერთდროულად გეგმავს. ერთ - ერთი ასეთი პოზიცია დაცვის ცენტრალური ხაზია.

იტალიური "ნაპოლის" ცენტრალურმა მცველმა კალიდუ კულიბალიმ კარიერა შესაძლოა სწორედ ნორვეგიელის კლუბში გააგრძელოს. ედ ვუდვორდიი ძველ სამიზნეს კვლავ დაუბრუნდა და ამ ზაფხულშიც დიდი ალბათობით, კალიდუს "ნისლიანი ალბიონიდან" შემოთავაზება ექნება.

სოციალურ გვერდ "ტვიტერზე". ჟურნალისტმა ნიკოლო სკირმა განაცხადა, რომ თუ ჯენარო გატუზოს გუნდი ამ სეზონში ჩემპიონთა ლიგის საგზურს ვერ მოიპოვებს, კულიბალი იტალიურ ჩემპიონატს დატოვებს.

"ნეაპოლელების" ხელმძღვანელობას ფეხბურთელის სანაცვლოდ 60- მილიონი ევროს მიღება სურს. აქვე გავრცელებული ცნობებით "მანჩესტერ იუნაიტედის" მთავარი პრეტენდენტი მცველის შეძენაში კარლო ანჩელოტის "ევერტონი" იქნება.