ლუკ შოუმ კიდევ ერთი კარგი დაცვითი თამაში შემოგვთავაზა, კარგი თამაში შემოგვთავაზა ზოგადად "იუნაიტედის" დაცვითმა ხაზმა, მეკარე დინ ჰენდერსონის ჩათვლით, გუნდმა მოახერხა ბოლო 7 მატჩში 6-ჯერ კარი მშრალად შეენახა.

შეგახსენებთ "ოლდ ტრაფორდზე" ნათამაშები 1-1 ის შემდეგ "იუნაიტედმა" მეორე მატჩში "სან სიროზე" "მილანი" 1-0 დაამარცხა, გოლი პოლ პოგბას ანგარიშზეა, რომელიც შეცვლაზე შევიდა მეორე ტაიმის დასაწყისში და შესვლიდან დაახლოებით ორ წუთში გოლიც მიითვალა.

MUTV-თან საუბარში ლუკ შოუმ განიხილა მატჩის დროს განვითარებული მოვლენები : "ბედნიერი ვარ, გავედით შემდეგ ეტაპზე, დამეთანხმებიან თანაგუნდელები თუ ვიტყვი, რომ მთელი მატჩის მანძილზე არ ვიყავით კარგები. პირველი 10-15 წუთი კარგად ვითამაშეთ, დავიწყეთ ბურთის ფლობა, კონტროლი ბურთზე. შემდეგ რაღაცნაირად გავითიშეთ, ბურთს ვკარგავდით.

ლუკ შოუმ საქებარი სიტყვები არ დაიშურა პოლ პოგბაზე, რომელიც ტრამვის შემდეგ დაუბრუნდა გუნდს და მეორე ტაიმში შეცვლაზე შემოვიდა. პოლ პოგბამ დიდ ხნიანი პაუზის შემდეგ თავის საქმეს შესანიშნავად გაართვა თავი.

"შესაძლოა იღბლიანები ვიყავით, თუმცა ყოველთვის გეხმარება ის ფაქტი, რომ მსოფლიო დონის ფეხბურთელი გყავს გუნდში, სწორედ ეს გაძლევს განსხვავებას და უპირატესობას.

მან ყველაზე მნიშვნელოვანი საქმე გააკეთა, ეს იყო ის რამაც შემდეგი ტურის საგზური მოგვიპოვა, მას შეუძლია მჭიდრო სივრცეების ბრწყინვალედ გამოყენება.

გულწრფელი ვიქნები და გეტყვით, რომ გასულ კვირეებში იგი ძალიან დაგვაკლდა, ახლა ჩვენი შემადგენლობა უფრო ვრცელია, ტრამვირებულები გვიბრუნდებიან, შეგვიძლია დავტკბეთ უკვე უფრო დიდი შესაძლებლობებით.

ასევე ძალიან დიდი პატივია ეროვნულ ნაკრებში გამოძახება

მაქვს ამბიცია საიმისოდ რომ ადგილი დავბრუნო შემადგენლობაში და ვფიქრობ იღბლიანი ვიქნები თუ ამას წარმატებულად შევძლებ. რა თქმა უნდა მომიწევს მუშაობის გაგრძელება, რათა ინგლისის ნაკრების შემადგენლობაში ადგილი მოვიპოვო". - განაცხადა ლუკ შოუმ ინტერვიუში.

https://www.manutd.com