ყოფილ "წითელ ეშმაკს" მიაჩნია, რომ კლუბს შეუძლია მიაღწიოს ჩემპიონობას, თუმცა ამისთვის სოლსკიაერის გუნდს სჭირდება შემადგენლობაში მცირე ცვლილებები.

"მანჩესტერ იუნაიტედმა" გააუმჯობესა დაცვითი მოქმედებები ამ სეზონში, თუმცა კითხვები სრულად მოხსნილი არ არის, გამომდინარე იქედან, რომ ჰარი მაგუაიერს არ ყავს სტაბილური მეწყვილე.

ფერდინანდის აზრით ამ ზაფხულს, სატრანსფერო ფანჯარაზე კლუბმა უნდა დაიმატოს ლიდერული ნიჭის მქონე სწრაფი ცენტრალური მცველი. ამავდროულად ნორვეგიელმა სპეციალისტმა უნდა დაიმატოს ერთი ტოპ კლასის ფორვარდი, ფერდინანდმა მიანიშნა იმაზე, რომ ასეთ კანდიდატებად შეიძლება განიხილებოდეს მბაპე ან ჰაალანდი.

ჰაალანდმა მოახერხა განვითარება და თავი დაიმკვირდა, როგორც მნიშვნელოვანი გოლეადორმა, რომელმაც "დორტმუნდის ბორუსიასთან" ერთად 44 მატჩში 43 გოლის გატანა შეძლო.

"იუნაიტედი სწრაფ ფეხბურთს თამაშობდა წინა სეზონში, თუმცა 30 ქულით ნაკლები დააგროვეს ვიდრე "ლივერპულმა", ახლა კი მათ ზემოთ არიან. ეს დიდი მიღწევაა, შარშანდელი სეზონის შემდეგ რთული იქნებოდა ვინმეს ჩემპიონობაზე ეფიქრა.

ოთხი ან ხუთი კვირის წინ ჩვენ ვსაუბრობდით იმაზე, რომ თვალსაჩინოა წინსვლა. არის ეს გუნდი უკეთეს პოზიციაზე ვიდრე გასულ წელს?! დიახ ნამდვილად არის. არის კიდევ სამუშაობი ჩასატარებელი?! დიახ არის.

რაც მთავარია, ვხედავ პროგრესს. ჯერ კიდევ არის სივრცე განვითარებისთვის, ჩვენ აუცილებლად ცენტრალური მცველი გვჭირდება, რომელსაც ლიდერული უნარები და სისწრაფე ექნება. გთხოვთ!

ვფიქრობ კავანი კარგია, მას შეუძლია კარგად ბურთის დამუშავება, მაგრამ ჩვენთვის აუცილებელია ისეთი შემტევი, როგორებიც ერლინგ ჰაალანდი და კილიან მბაპე არიან. მათ არ უნდა მისცეთ საშუალება სხვაგან წავიდნენ.

"მანჩესტერ იუნაიტედს" ყოველთვის ყავდა სუპერვარსკვლავები და ეს ბიჭები შეცვლიდნენ ნარატივს კლუბში, ეს არის ზუსტად ის თუ რამდენად კარგები არიან ისინი. არის ადგილი განვითარებისთვის და შემადგენლობის გაუმჯობესებისთვის. ჩვენ გვჭირდება ყველაფრის ერთგვარი მიქსის გაკეთება.

შეგახსნებთ, რომ "მანჩესტერ იუნაიტედმა" გასულ ტურში 0-0 ითამაშა "ჩელსისთან", ხოლო მომდევნო ტურში დაუპირსპირდება "კრისტალ პალასს", ხოლო ამის შემდეგ უიქენდზე თანაქალაქელ "მანჩესტერ სიტის" დაუპირისპირდება.

https://metro.co.uk