ფრენკ ლამპარდის შეცვლის შემდეგ "ჩელსის" მწვრთნელის პოსტი თომას ტუხელმა ჩაიბარა, რომელმაც ბოლო 8 მატჩში გუნდს 6 მატჩი მოაგებინა და ჯერ-ჯერობით არ დამარცხებულა პრემიერ ლიგაში.

"ჩელსის" მიზნები წელს ოთხეულში ყოფნით თუ შემოიფარგლება და ამისთვის გუნდი "ვესტ ჰემს" 2 ქულით ჩამორჩება, ხოლო "იუნაიტედთან" 6 ქულიანი ჩამორჩენა აქვს.

მატჩის წინ ოლე გუნარმა ტუხელზე კარგი სიტყვები არ დაიშურა: "შედეგები, სტატისტიკა და ბურთის ფლობა თვალშისაცემია, როცა "ჩელსის" ვუყურებ, ის კარგად მუშაობს. არასდროსაა მარტივი გუნდში შუა სეზონში მიხვიდე და წარმატებული სერია წამოიწყო, თუმცა იმედი მაქვს ჩვენ შევაჩერებთ მათ სვლას. ესაა ჩემი სამუშაო.

სოლსკიაერი საუბრისას ასევე შეეხო "მანჩესტერ სიტის" და მათ 10 ქულიან "გაქცევას" ცხრილში.

ჩვენ მაქსიმალურად უნდა ვფოკუსირდეთ, არ უნდა მოვდუნდეთ და შემდეგი სამი მატჩი უმნიშვნელოვანესი იქნება

"ჩელსი" ჩვენი მდევარია, მეორეს მხრივ ჩვენ "სიტის" მდევარი ვართ, რა თქმა უნდა თუ ამბიციები გვაქვს რაიმე დიდის ეს მატჩი ჩვენთვის სასარგებლოდ უნდა დავასრულოთ, არ უნდა მივცეთ "ჩელსის" არანაირი ამბიცია ჩვენი დაჭერის

ყველა მატჩი მნიშვნელოვანია, განსაკუთრებით საერთაშორისო შესვენებამდე, ეს იქნება საყურადღებო პერიოდი

საბოლოო ჯამში ყველაზე მნიშვნელოვანი მაინც ისაა აპრილში და მაისში სად ვიქნებით, რა პოზიციები გვექნება დაჭერილი და ამაში ხელი არაფერმა არ უნდა შეგვიშალოს".

https://metro.co.uk