კლუბის ოფიციალურ ვებგვერდზე წარმოდგენილია ოლე გუნარ სოლსკიაერის ინტერვიუ.

შემდეგ ტურში გასვლის შესახებ

გოლების გატანა გვინდოდა და ჩვენი გაუქმებული ბურთი განსახილველი თემაა. დიახ, ვიქტორმა დაარღვია წესები, მაგრამ არ ვიცი, ეს გავლენას ახდენდა თუ არა გატანილ გოლზე. მთავარია, რომ ჩვენ უფრო წინ წავიდეთ. რა თქმა უნდა, ზოგისთვის მატჩი კარგი ვარჯიში იყო და ჩვენ ბედნიერები უნდა ვიყოთ, რადგან ძალიან კარგი გუნდი გავიარეთ. ამაში ამ საღამოს დარწმუნებულები ვიყავით, რადგან როდესაც პირველ შეხვედრაში 0-4 წააგე, ძნელია მოტივაციის პოვნა შემდგომი ბრძოლისთვის. საგანგაშო სიგნალი მივიღეთ მას შემდეგ, რაც ჩვენ კარში პენალტი დანიშნეს, მაგრამ შემდეგ ვიგრძენი, რომ სადავეები ხელში ავიღეთ. მატჩის მეორე ნახევარი უფრო ნელი გამოდგა.

შორტერის რეკორდის შესახებ

შოლას აქვს საკუთარი ტექნიკა, რომელიც, ვფიქრობთ, მას კარგ მოთამაშედ აქცევს. დღეს საღამოს, 15 წუთის განმავლობაში, მან საფუძველი მიიღო შემდგომი განვითარებისათვის. ის ამ საღამოს გაიხსენებს "ოლდ ტრაფორდზე", თუმცა მას უფრო მოეწონებოდა, თუ ტრიბუნებზე გულშემატკივრები იქნებოდნენ, რადგან ისინი გაცილებით მეტ ენერგიას მოგცემენ, ვიდრე თავად ფეხბურთი. უცნაური გრძნობაა, მაგრამ დარწმუნებული ვარ, ჩვენი გულშემატკივრები ამას კვლავ ნახავენ.

შესვენების შემდეგ ცვლილებები

ფრედი გავიყვანე, რადგან გაფრთხილება ჰქონდა და მე არ მინდოდა გარისკვა. ჩვენ უბრალოდ დაგვჭირდა შემდეგ ეტაპზე გასვლა, ყოველგვარი გართულების გარეშე. 4-0 სტუმრად, მშრალი ანგარიშით შინ - ვფიქრობ, ეს კარგი სამუშაოა.

ტუანზების შესახებ ნახევარდაცვაში

ეს არის ერთ-ერთი პოზიცია, სადაც მოულოდნელად ფეხბურთელების დეფიციტი გვქონდა მას შემდეგ, რაც სკოტი, დონი და პოლი დავკარგეთ. ჩვენ ნახევარდაცვაში მშვენივრად ვიყავით, მაგრამ ახლა შეიძლება სხვადასხვა ვარიანტის განხილვა მოგვიწიოს, რადგან არ ვარ დარწმუნებული, რომ ბიჭები მზად იქნებიან "ჩელსითან" მატჩისთვის. პოლი ნამდვილად არ იქნება მზად და სკოტისა და დონის შესახებ ჯერ ინფორმაცია არ არსებობს.

ჯეიმსის დაზიანება

მხოლოდ კუნთი გადახურდა, ძალიან ინტენსიურად ითამაშა, შემდეგ კი დისკომფორტი იგრძნო. ვიმედოვნებთ, რომ იქ სერიოზული არაფერია. ამასთან, ამან ამადს მისცა შანსი, ნახევარი საათი გაეტარებინა მოედანზე.

დაუმთავრებელი სამუშაო

წაგება ყოველთვის უფრო დასამახსოვრებელია, ვიდრე გამარჯვება, განსაკუთრებით წაგება ნახევარფინალში. თქვენ ძალიან ახლოს ხართ ფინალთან, დიდ მატჩთან. ბიჭებს კიდევ უფრო წინ წასვლა სურთ.

გუნდის ატმოსფერო

ჩვენ ძალიან შეკრული გუნდი გვყავს, რაც სწორედ ამ ეტაპზეა საჭირო. ჩვენ უბრალოდ ვმუშაობთ და ვმუშაობთ ყოველდღე. ჯერ ერთ ნახევარფინალში წავაგეთ, შემდეგ მეორეში, მესამეში და ახლა ნამდვილად გვინდა უფრო შორს წასვლა. ჩვენ გვსურს უფრო მეტის მიღწევა და გუნდში ურთიერთობების გაუმჯობესება, ჩვენ ვქმნით ახალ კულტურას. რა თქმა უნდა, ახლა რაღაც შეიცვალა, რადგან ჩვენ მწვრთნელები დავკარგეთ, მაგრამ ჩვენ ძალიან ახალგაზრდა გუნდი ვართ და სულ უფრო და უფრო უკეთესები ვიქნებით.

უახლოესი კვირების დატვირთული გრაფიკი

სანაკრებო შესვენებამდე 7 ან 8 თამაში გვაქვს და მათ შორის არის "ჩელსი", "ლეესტერი", "ვესტ ჰემთან". პრემიერ ლიგაში საერთოდ არ არის მარტივი მატჩები და არც "კრისტალ პალასთან" სტუმრობა არის მარტივი გასეირნება. კიდევ, ჯერ არ ვიცით, ვისთან მოგვიწევს თამაში ევროპა ლიგაზე. ასე რომ, სანაკრებო შესვენებამდე ეს სამი ან ოთხი კვირა ძალიან მნიშვნელოვანი იქნება. ჩვენ კარგ პოზიციებზე ვართ, დარწმუნებულები ვართ და იმედი გვაქვს, რომ გუნდს დაუბრუნდება რამდენიმე ფეხბურთელს, რომლებიც ახლა ტრავმირებულები არიან.

https://www.manutd.com/