ოლე გუნარ სოლსკიაერმა უპასუხა ჟურნალისტების შეკითხვებს პრესკონფერენციაზე "რეალ სოსიედადთან" საპასუხო მატჩის შესახებ.

პოტენციური ახალგაზრდების მონაწილეობა

სამწუხაროდ, ჰანიბალი დაშავდა. სამწუხაროდ, ვეღარ ითამაშებს. ამად და შოლა მიიღებენ მონაწილეობას მატჩში. ისინი განაცხადში არიან, მაგრამ დაიწყებენ თუ არა პირველი წუთებიდან, არ გეტყვით.

რაშფორდის დებიუტიდან 5 წელი

ის მომწიფდა, რომელმაც კარგად იცის რას ნიშნავს იყოს "მანჩესტერ იუნაიტედის" ფეხბურთელი, როგორც მოედანზე, ისე მის გარეთ. მან ისწავლა პასუხისმგებლობის აღება. დიახ, მახსოვს, როგორ გამოვიდა მაშინ, ორი ძალიან კარგი გოლი გაიტანა და რა თქმა უნდა, აღნიშნა ის ტრიბუნებზე მყოფ თანამოძმეებთან. მარკუსი ცოცხალი მაგალითია იმისა, თუ რისი გაკეთებაც გვინდა ამ კლუბში. როდესაც "მანჩესტერ იუნაიტედში" 6, 10 ან 14 წლის ასაკში მოდიხართ, იცით, რომ თქვენი ოცნების ასრულების შანსი გექნებათ. მას ჯერ კიდევ გრძელი გზა აქვს გასავლელი, რადგან თამაშს კიდევ 10-15 წლის განმავლობაში შეძლებს.

ახალგაზრდების მოზიდვის შესახებ

რაშფორდის მაგალითი ეხმარება მოლაპარაკებას ევროპის საუკეთესო ნიჭიერ ახალგაზრდებთან? ეს მხოლოდ მარკუსი არ არის. "მანჩესტერ იუნაიტედის" ისტორიის განმავლობაში ჩვენ ვაჩვენეთ, რომ შეგვიძლია ფეხბურთელების გაზრდა. ჩვენ ასევე ყოველთვის ვიფორმებდით ფეხბურთელებს, როგორიცაა ვეინ რუნი ან კრიშტიანუ რონალდუ და მათ ვხდიდით საუკეთესოებს მსოფლიოში. ამ შემთხვევაში სერ მეტი უბრალოდ წარმოუდგენელი იყო და სერ ალექსიც საუკეთესო იყო! ჩვენ ნამდვილად გვინდა მივყვეთ მათ კვალდაკვალ.

დაშავებულების შესახებ

არც სკოტს, არც ედინსონს და არც დონს არ შეუძლიათ თამაში. ისინი პრაქტიკულად არ ვარჯიშობენ და ჯერ არ შეუერთდნენ პირველ გუნდს. ასე რომ, ეს იქნება მეტნაკლებად იგივე შემადგენლობა, რომლითაც ვითამაშეთ "ნიუკასლთან".

დინ ჰენდერსონის მომავალი

რა თქმა უნდა, გუნდში ამ დონის ორი მეკარის ყოლა სასიამოვნო თავის ტკივილია. ვფიქრობ, რომ მან "სოსიედადთან" შეხვედრა ძალიან თავდაჯერებულად ითამაშა და მასში ნდობას მიჩენს.

ერლინგ ჰალანდის შესახებ

როდესაც შენ, როგორც მწვრთნელი, მუშაობ ახალგაზრდა ფეხბურთელებთან, პრაქტიკულად ბიჭებთან, ყოველთვის ადევნებ თვალყურს მათ კარიერას. მე კვლავ ვუკავშირდები ერლინგს და მოხარული ვარ, რომ ვხედავ, თუ როგორ გახდა ის ფეხბურთელი. მე ვიცი, რომ ის გააგრძელებს მუშაობას და თავის გაუმჯობესებას. ერლინგი "დორტმუნდის" ფეხბურთელია, მას საუკეთესოს ვუსურვებთ, მაგრამ ახლა დაველოდებით და ვნახავთ, რა იქნება შემდეგ.

როგორ ფიქრობთ, მოგენატრათ ჰალანდი? ან შეიძლება ის კვლავ თქვენთან იყოს?

თქვენ იცით, რომ ერლინგზე საუბარი არ შემიძლია, რადგან ის "ბორუსიას" ფეხბურთელია და ვფიქრობ, უპატივცემულობა იქნებოდა სხვა რამის თქმა, გარდა იმისა, რომ მას ვიცნობ და რეგულარულად ვურთიერთობთ. თქვენ ყოველთვის ცდილობთ ნახოთ საუკეთესო ფეხბურთელები მსოფლიოში და ერლინგი სწორედ ასეთია. ჩვენი ახალწვეულები კარგ საქმეს აკეთებენ. აქ დენი ზის ჩემ გვერდით, რომელიც ამას ადასტურებს, ბრუნო მსგავსი მაგალითია. ვფიქრობ, რომ ყველა ტრანსფერი, რაც ჩემი მოსვლის შემდეგ განვახორციელეთ, ჩვენი გუნდი გააუმჯობესა და გააძლიერა. მოხარული ვარ ჩვენი ტრანსფერული სისტემის მოდელისა და პროცესების ორგანიზებით.

სამწვრთნელო შტაბი დაბრუნდება?

ამ მოვლენების შემდეგ, ჩვენ მრავალი ტესტი ჩავიტარეთ და მოთამაშეებსაც უარყოფითი აქვთ. ჩვენ დიდი ხანია მივიღეთ სიფრთხილის ზომები და ვფიქრობ, რომ ყველაფერი სწორად და დროულად გავაკეთეთ. მაგრამ ამ თამაშში ისინი არ იქნებიან, არა.

ხუან მატას მომავლის შესახებ

არ მიკვირს, რომ ბევრი კლუბი არის დაინტერესებული მისით, რადგან, ჯერ ერთი, ის არის შესანიშნავი მოთამაშე, მეორეც, ის არის შესანიშნავი ადამიანი და პროფესიონალი. რა თქმა უნდა, როდესაც კონტრაქტები სრულდება, მოთამაშისადმი ინტერესი ვითარდება. თუ ის მოისურვებდა, ის უკვე მოლაპარაკებას გამართავდა სხვა გუნდებთან. მას მუდმივად ვუკავშირდებით და კარგი ურთიერთობა გვაქვს.

ახალგაზრდა ტალანტებთან მუშაობის შესახებ

დიახ, მე გამიმართლა ერლინგის, მარკუსის და მეისონის მსგავს ბიჭებთან თანამშრომლობა. მაგრამ როდესაც აპირებთ ისეთი კლუბის ხელმძღვანელობას, როგორიცაა "იუნაიტედი", იცით, რომ ძალიან ნიჭიერ ფეხბურთელებთან იმუშავებთ. მე ხელი მოვაწერე ერლინგთან, როდესაც ჯერ კიდევ "მოლდეში" ვიყავი და ჩვენი საქმეა, ფეხბურთელები გავაუმჯობესოთ როგორც პროფესიონალურად, ასევე ადამიანურად. მე ნამდვილად მსიამოვნებს ახალგაზრდა ბიჭების განვითარება. ბევრ მათგანს, ისევე როგორც დენ ჯეიმსს, უყვარს სწავლა. ჩვენ მათ განსაკუთრებულ ყურადღებას ვაქცევთ.

ადნან იანუზაიმ თქვა, რომ შესაძლოა ის ძალიან ბევრი მწვრთნელის ცვლილების მსხვერპლი გახდა? რა თქმა უნდა, ბევრი რამ არის დამოკიდებული მწვრთნელზე და მის აზროვნების სისტემაზე. მჯერა ახალგაზრდობის. მჯერა, რომ თუ მოთამაშეს შესაძლებლობა ექნება, ისინი აქტიურად პროგრესირებენ და გაგვაოცებენ. ეს არის ამ კლუბის ნაწილი და ჩემი ნაწილიც.

https://www.manutd.com/