კლუბის ოფიციალურ ტელევიზიასთან საუბარში ოლე გუნარ სოლსკიაერმა ფეხბურთელთა ფიზიკურ მდგომარეობაზე ისაუბრა. მის მიერ გავრცელებული ინფორმაციით სკოტ მაკტომინეი, ედისონ კავანი და დონი ვან დე ბეეკი გამოტოვებენ "ოლდ ტრაფორდზე" გასამართ მატჩს.

კავანიმ და ვან დე ბეეკმა პირველი მატჩიც გამოტოვეს, თუმცა მაკტომინეის ტრამვა შედარებით ახალია, მან პირველ მატჩში ნაწილობრივ მიიღო კიდეც მონაწილეობა.

"არა ისინი არ ითამაშებენ, მათ ჯერ საკმარისი დატვრითვით არ უვარჯიშიათ, აქედან გამომდინარე თითქმის იგივე შემადგენლობა გვყავს მწყობრში რაც "ნიუკასლის" წინააღმდეგ იყო".

გამომდინარე იქედან, რომ ვან დე ბეეკის თამაში გამოირიცხა და იგი კარგ შანსს უშვებს ხელიდან თავისი შესაძლებლობების დასამტკიცებლად, ოლე გუნარს მცირე არჩევანი რჩება ვინ დააყენოს ცენტრში, ეს არჩევანი მატიჩსა და ფრედზე გადის.

ინფორმაციის მიხედვით კავანის უფრო მეტი შანსი ჰქონდა ევროპული საღამოსთვის გუნდს დაბრუნებოდა, თუმცა ამ ეტაპისთვის უმნიშვნელოვანესია იგი მწყობრში იყოს "ჩელსისთან" მატჩისთვის, ამიტომ იგი დაისვენებს.

უფრო დიდი პრობლემა იქნება სკოტ მაკტომინეის არ ყოფნა, რაც საკმაოდ დიდი ალბათობით ასეც იქნება და იგი "ჩელსისთან" კვირას გასამართ მატჩს გამოტოვებს, რაც ორმაგად დასანანია იმის გათვალისწინებითაც, თუ როგორ ფორმაშია შესული.

საკადრო პრობლემებიდან გამომდინარე საინტერესოა ის ფაქტიც, რომ ნორვეგიელმა სპეციალისტმა აკადემიიდან მთავარ გუნდში ითან გალბრაითი გადმოიყვანა და სავარაუდოა, რომ იგი "ევროპა ლიგის" მატჩში შემადგენლობაში მოხდება.

https://www.unitedinfocus.com