ალან შირერი ენტონი მარსიალს ადანაშაულებს იმაში, რომ ფრანგ შემტევს არ გააჩნია სურვილი და მონდომება გოლის გასატანად.

მიმდინარე წელს ფრანგ შემტევს პირველ გუნდთან ერთად მატჩების რაოდენობა ნამდვილად არ აკლია, მან უკვე 31 მატჩში მიიღო მონაწილეობა ყველა ტურნირის გათვალისწინებით.

მიუხედავად იმისა, რომ მან საკმაოდ ბევრ მატჩში მიიღო მონაწილეობა ამ პერიოდში მისი მონაგარი მხოლოდ 7 გოლით და 5 საგოლე გადაცემით შემოიფარგლება. ბოლო 10 მატჩში კი მხოლოდ 2 გაიტანა, ისიც "საუთჰემპტონთან" 9:0 გამარჯვებისას.

ხოლო ბოლო მატჩისას შეიძლება ითქვას, რომ "იუნაიტედის" რიგებში ყველაზე ინერტული იყო, 70 წუთის მანძილზე ვერაფერი განსაკუთრებული ვერ შემოგვთავაზა და მისი თამაში კრიტიკას ვერ უძლებდა.

ალან შირერი მიიჩნევს, რომ მარსიალმა უნდა დაიწყოს სურვილის ჩვენება, სურვილი იმისა, რომ გოლი გაიტანოს : "მხოლოდ 4 გოლი პრემიერ ლიგის ამ სეზონში, არასაკმარისი მოძრაობა, არასაკმარისი სურვილი გოლის გასატანად"

"ის ბევრ დროს ანიავებს არაფერში, არ იხსნება საკმარისად, არ არჩევს უკეთეს პოზიციას, აკლია ფოკუსი შეტევაში თამაშისას.

მიმაჩნია, იგი არც დიდ მნიშვნელობას ანიჭებს მის უგოლო სერიას. მისი პრობლემა კიდევ უფრო ჩანს იმის გათვალისწინებით, რომ გუნდს გატანილი აქვს პრემიერ ლიგაში 53 გოლი და აქედან მხოლოდ 4 გაიტანა მან, ეს საკმარისი მაჩვენებელიც კი არაა.

მას მხოლოდ 1 სეზონი ჰქონდა ისეთი, როცა 20 გოლზე მეტი გაიტანა. თვითონვე მიიჩნევს რომ ცენტრალური ფორვარდად თამაში ურჩევნია, თუმცა არც მისი სტატისტიკა და არც მისი განწყობა არ მიგვანიშნებს, რომ ეს სწორია.

ვერც მცირე გამოცდილებას დავაბრალებთ მის შედეგებს, ეს ხომ მე-6 სეზონია კლუბში. მართალია წინა სეზონში თუ ციფრებს ჩავხედავთ კარგი სეზონი ჰქონდა, თუმცა ამას სტაბილურობა სჭირდება, მითუმეტეს მაშინ, როცა "იუნაიტედს" საკმაოდ ბევრი გოლი გააქვს".

ფრანგი ფორვარდი შესაძლოა ვიხილოთ შემდეგ მატჩში "რეალ სოსიედადის" წინააღმდეგ, რომელიც "ევროპა ლიგის" ეგიდით გაიმართება, შეგახსენებთ, რომ პირველი მატჩი "იუნაიტედმა" 4:0 მოიგო და მეორე მატჩი "ოლდ ტრაფორდზე" უნდა ჩაატაროს, ხოლო პრემიერ ლიგის შემდეგ ტურში მძიმე მატჩი ელის გასვლაზე "ჩელსისთან".

https://www.thesportreview.com