"მონაკოს" მცველი ბენოით ბადიაშილე ადასტურებს, რომ მოსწონს "ოლდ ტრაფორდზე" გადასვლის პერსპექტივა და მიიჩნევს, რომ ეს მისი განვითარებისთვის მნიშვნელოვანი ეტაპი იქნება. მცველი ამავდროულად ადასტურებს, რომ გასულ ზაფხულსაც არსებობდა ინტერესი ბრიტანული გრანდის მხრიდან.

ბადიაშილეს შესახებ საუბრები განსაკუთრებით მას შემდეგ გამძაფრდა, რაც 2019-20 წლების სეზონში "მონაკომ" წარმატებული სეზონი ჩაატარა და გუნდში ახალგაზრდა მცველიც გამორჩეულად კარგი იყო.

როგორც ბადიაშილე თავად ამბობს მან თავის დროზე "წითელ ეშმაკებს" უარი უთხრა ტრანსფერზე, გამომდინარე იქედან, რომ იმ ეტაპისთვის იგი უფრო საჭირო იყო "მონაკოსთვის", რათა კლუბს დაებრუნებინა თავისი ძალა და ეს დაემტკიცებინა სხვა კლუბებისთვისაც.

რა ითქვა მანამდე?!

ბადიაშილემ ინტერვიუში საუბრისას განაცხადა: "ვფიქრობ ეს იყო სწორი გადაწყვეტილება, ძალიან ვისიამოვნე ამ სეზონით, რაც ჩავატარე. ვითამაშეთ ძალიან კარგად, შევინარჩუნეთ ადგილი ცხრილის ზემო ნაწილში და ახლა ვფიქრობ მაქვს გამოცდილება იმისა, თუ როგორ ვითამაშო მაღალ დონეზე, ჩემი გადაწყვეტილება, რომ სწორი იყო ამ სიტუაციამ დამანახა.არ ვნანობ "იუნაიტედისთვის" უარის თქმას".

რატომ არის ბადიაშილე საინტერესო "იუნაიტედისთვის"?

წინა სეზონში "იუნაიტედი" 33 ქულით ჩამორჩა ჩემპიონ "ლივერპულს", რისი პირველი ხელშემწყობი ფაქტორიც იყო სუსტი დაცვა და ჰარი მაგუარეს ნელი მოქმედებები, რის გამოც გაჩნდა მოსაზრებები შედარებით უფრო სწრაფი მცველის დამატების შესახებ.

ბადიაშილე აღნიშნულ მოთხოვნებს აკმაყოფილებს და კლუბმაც სავარაუდო 22 მილიონი ფუნტიც დაასახელა თანხად, რომელსაც გადაიხდიდნენ მასში, თუმცა ფინალური შეთანხმება მაინც არ მიღწეულა.

ბადიაშილეს მონაგარი:

ბადიაშილემ პირველ პროფესიონალურ კონტრაქტს "მონაკოსთან" 2018 წელს მოაწერა ხელი, რის შემდეგაც 71 ოფიციალური მატჩი ჩაატარა კლუბის სახელით სხვადასხვა ჩემპიონატზე და 3 გოლის გატანაც მოახერხა.

რა იქნება შემდეგ?!

ამ მომენტისთვის ბადიაშილე რჩება "მონაკოს" შემადგენლობაში, თუმცა სავარაუდოა, რომ "იუნაიტედი" ეცდება 19 წლის ტალანტის გაფორმებას ზაფხულის სატრანსფერო ფანჯრის დრო, მანამდე კი წინ ბევრი გამოწვევა ელის "მონაკოს", ისევე როგორც "მანჩესტერ იუნაიტედს".

https://www.goal.com