წყნარი, დამშვიდებული და ნაწილობრივ მოსაწყენი თამაშის შემდეგ, "იუნაიტედმა" მორიგი 3 ქულა მოიპოვა და ამით 15 ქულით გაუსწრო მეორე ადგილზე მყოფ "მანჩესტერ სიტის". Not gonna get us?

შემადგენლობა



ყველა ჩვენგანო რაღაც ცვლილებებს ელოდა "წითლების" შემადგენლობაში, თუმცა სერ ალექსმა ძირითადი შემადგენლობით გადაწყვიტა თამაში. უეინ რუნი, რობინ ვან პერსი, ნემანია ვიდიჩი, დავიდ დე ჰეა. შოტლანდიელმა, მხოლოდ რიო ფერდინანდი დაასვენა, დანარჩენები კი ბრძოლაში გაუშვა. მაგრამ, სერ ალექსის ფეხბურთელებმა, თავიანთი თამაშის მხოლოდ 40% ითამაშეს. ნამდვილად, მათ წინ არა მარტო "რეალთან" უწევთ თამაში, არამედ "ჩელსისთანაც" თასზე. ვფიქრობ, რომ ძალიან საინტერესო და ცხელი თვე გველის.

პირველი ნახევარი

იმის მიუხედავად, თუ რამდენი გოლი გავიდა მატჩში, შეხვედრა საკმაოდ მშვიდი გამოდგა, რადგან ორივე კარის მიმართულებით მცირე რაოდენობის დარტყმები იქნა განხორციელებული. ის ვთქვათ, რომ ეს ისეთი თამაში იყო, თვალს ვერ მოაშორებდი ტელევიზორსო-უსამართლობა იქნებოდა. თუმცა, ეს ცუდი არ არის, რადგან გუნდს წინ ურთულესი შეხვედრები ელის და გუშინ ძალების დაუხარჯავათ მოახერხა გამარჯვება. ანგარიში შეიძლებოდა გახსნილიყო მე-7 წუთზე, როდესაც რობინ ვან პერსიმ შეამჩნია უეინ რუნი და არაჩვეულებრივი გადაცემის შემდეგ, ინგლისელმა უბრალოდ ვერ მიასწრო ბურთთან. მე-15 წუთზე დაინიშნა კუთხური. ჩამოწოდების შემდეგ, გუნდის კაპიტანმა გადაცემა გააკეთა საპენალო ხაზთან, მაგრამ არცერთი მისი თანაგუნდელი იქ არ აღმოჩნდა, იმისათვის რომ გოლით დაესრულებია ყველაფერი. მოგვიანებით, თავი შეეძლო გამოეჩინა ვან პერსის, მაგრამ ბანმა დროულად დატოვა კარები.



შემდეგში განსაკუთრებული არაფერი მომხდარა. საერთოდ არაფერი. წუთით მომეჩვენა, თითქოს "იუნაიტედი" მორიგ შტურმს ამზადებდა. "ნორვიჩს" კი ასეთი წყნარი თამაში აწყობდა. მაგრამ, ფერგიუსონის ბიჭები გონს მოვიდნენ, როდესაც დამატებითი წუთები დაიწყო. არაჩვეულებრივი მომენტი ჰქონდა რობინ ვან პერსის, როდესაც ჰოლანდიელი ბურთს კარში უშვებდა სმოლინგის მიერ გაკეთებული პასის შემდეგ, მაგრამ დარტყმა დაბლოკილი იქნა. ხოლო, პირველი ნახევარის ბოლოს, როგორც იქნა და ანგარიში გაიხსნა. ვალენსიამ ბურთი გადააწოდა პერსის, რომელმაც ვერ შეძლო მისი დამუშავება და შემდეგ კაგავასთან მივიდა, რომელმაც ბურთი კარის ახლო კუთხეში გაუშვა.

მეორე ნახევარი

მეორე ნახევარში "იუნაიტედმა" დააჩოქა "ნორვიჩი", მაგრამ ისე რომ ამისათვის განსაკუთრებული არაფერი გაუკეთებია. პირველივე წუთებიდან ბურთს მოწინააღმდეგე ფლობდა. 52-ე წუთზე სნოდგრას შეეძლო ანგარიში გაეთანაბრებია, მაგრამ სტუმრებს არ გაუმართლად. რამოდენიმე წუთის შემდეგ, "იუნაიტედმა" უპასუხა. რუნი ერთი-ერთზე გაიყვანეს მეკარესთან, მაგრამ ბანი ისევ დროულად გამოდის კარიდან და ბურთს კუთხურზე იგერიებს. 63-ე წუთზე "იუნაიტედის" გულშემატკივრებს, ალბათ გული ხელში ეჭირათ. ჰოლტმა მოუგო ევრას მეორე სართულზე და ბურთი მარტინს გადააწოდა, რომელსაც ისღა ჰქონდა დარჩენილი, რომ გოლი 2 მეტრიდან გაეტანა. მაგრამ ბურთმა კარს აუარა.



უცებ ცვლილებებზეც ვისაუბროთ. 10 წუთის განმავლობაში "იუნაიტედმა" ორი ფეხბურთელი შეცვალა: პერსი და ანდერსონი, გამოვიდნენ უელბექი და ქლევერლი. სტუმრებმა კი გამოუშვეს კამარა ჰულაჰანას ნაცვლად, ბენეტმა კი სნოდგრასი შეცვალა. "ნორვიჩმა'' ორი თავდამსხმელით დაიწყო თამაში, მაგრამ ამან გუნდს არ უშველა. 77-ე წუთზე, "იუნაიტედმა" გაიორმაგა შედეგი. ქერიქმა არაჩვეულებრივი გადაცემა გააკეთა რუნიზე, რომელმაც შემდეგ მოწინააღმდეგე მოატყუა და მანაც არაჩვეულებრივი გადაცემა გააკეთა კაგავაზე. უკანასკნელმა ანგარიში 2-0 გახადა. 87-ე წუთზე, ანგარიში გამანადგურებელი გახდა. ისევ რუნიმ გააკეთა ბრწყინვალე გადაცემა კაგავაზე და იაპონელმა თავისი მესამე გოლი გაიტანა იმ მატჩში. რუნის გოლი კი 30 მეტრიდან 2 წუთის შემდეგ, უფლება მისცა გულშემატკივრებს რომ სტადიონი სიხარულით აეღოთ. გაანადგურო გუნდი, ისე რომ დახარჯო მცირე ოდენი ენერგია-ასეთი რამ, მხოლოდ "მანჩესტერ იუნაიტედს" შეუძლია!