გათამაშების შესახებ

მომავალი კონკურენტი? ეს არც ისე მნიშვნელოვანია, მთავარია, რომ ჩვენ ისევ საქმეში ვართ. ჩვენ უფრო წინ წავედით. კალვერტ-ლუინის გოლი ფსიქოლოგიური დარტყმა იყო ჩვენთვის, მაგრამ ჩვენ ვცდილობდით სხვა რამეებზე კონცენტრირებას და საბოლოოდ ყველაფერი გამოვიდა.

მშრალი ანგარიშის შესახებ

თუ სტატისტიკას გადავხედავთ, მაშინ საკმაოდ ბევრი მატჩი გვქონდა, რომელშიც ჩვენ კარი მშრალად შევინახეთ. განსაკუთრებით დიდ მატჩებში, როდესაც დაცვას განსაკუთრებული ყურადღება მივაქციეთ. დიახ, ჩვენ პირველ სამ თამაშში ბევრი გოლი მივიღეთ, რა თქმა უნდა, მათ ძალიან კარგი გავლენა არ აქვთ ჩვენს გოლის სხვაობაზე, მაგრამ მაშინ ჯერ არ ვიყავით მზად სეზონისთვის.

მეორე ნახევრის წარუმატებლობები

ვფიქრობ, ბოლოს 15 ან 17 შეტევა გავაკეთეთ, მაგრამ დაუნდობლად უნდა ვიმოქმედოთ. თქვენ უნდა დაასრულოთ თამაში ადრე და არ დაელოდოთ 90 წუთის გასვლას, თუმცა ზოგჯერ ეს ხდება. ძირითადი სირთულეები მეორე ნახევარში გაჩნდა. პირველ ტაიმში 2-3 ძალიან კარგი შანსი შევქმენით - ერთი მეისონისთვის იყო, მეორე - ენტონისთვის, ვიქტორმა კი თავით კარგად დაარტყა, რასაც მათმი მეკარის სასწაული რეაქცია მოჰყვა. პირველ ტაიმში ჩვენ ვდომინირებდით და ვაკონტროლებდით თამაშს, მაგრამ მეორე ტაიმით კმაყოფილი არ ვარ. გოლის შემდეგ კიდევ რამდენიმე კარგი მომენტი გვქონდა გასატანად, მაგრამ ძალიან გაფანტულები ვიყავით. კონტროლი ბოლომდე უნდა შეინარჩუნოთ.

გსურთ კიდევ ერთი საშინაო თასის მატჩი?

ახლა ამას მნიშვნელობა არ აქვს, რადგან სტადიონებზე გულშემატკივარი მაინც არ არის. ერთადერთი პლუსია ის, რომ არსად წასვლა არ მოგიწევთ, ასე რომ, დიახ, ჩვენ ისევ სიამოვნებით ვითამაშებთ "ოლდ ტრეფორდზე". რა თქმა უნდა, ჩვენ გვსურს ყველა მატჩის მოგება და ფინალში გასვლა, რისთვისაც "მანჩესტერ იუნაიტედი" აქ არის. ვინმეს გაუმართლა წილისყრა, ვიღაცას არა, მაგრამ აშკარაა, რომ ფინალისკენ კიდევ ერთი ნაბიჯი გადავდგით. ახლა მომზადებისთვის რამდენიმე დღე გვაქვს, რადგან მხოლოდ კვირას ვთამაშობთ. აღდგენის დრო გვექნება ამ შეხვედრის 120 წუთის შემდეგ.

ვან დე ბეკის თამაშის შესახებ

ვფიქრობ, დონიმ პირველ ტაიმში ძალიან კარგად ითამაშა. ჩვენ შევქმენით თავისუფალი ადგილები და მან დიდი როლი ითამაშა ამაში და საერთოდ შესანიშნავად მოქმედებდა. მან ზუსტად ითამაშა და ჰქონდა შანსი, როდესაც ალექსმა მას ბურთი დაუბრუნა. მეორე ტაიმში მთელმა გუნდმა ცოტა მოუკლო, ამიტომ ცვლილებების შეტანა გვჭირდებოდა.

მშრალი კარი ჰენდერსონისთვის

ყოველთვის იმედი მაქვს, რომ ჩვენს მეკარეს მშვიდი საღამო ექნება, როდესაც ჩვენ ვთამაშობთ და ეს ხშირად ხდება. დინი კარგად ერკვეოდა ყველაფერში, რასაც აკეთებდა, გარდა მეტოქის ბოლო თავით დარტყმისა, როდესაც მან ბურთს ოდნავ მოაცილა თვალი. დევიდი შეეჩვია ასეთი რამეს და წლების განმავლობაში ისწავლა ყურადღების კონცენტრირება, მაშინაც კი, როცა განსაკუთრებით არ ღელავ. იმედი მაქვს, რომ ჩვენი მეკარეები ამ რეჟიმში გააგრძელებენ მუშაობას.

https://www.manutd.com/