4-10-2020, 12:24

ავტორი: Billy,

ნანახია: 1794,

კომენტარები: 9

გლეიზერებმა ბოლო 5 წელში კლუბიდან ყველაზე დიდი თანხა ამოიღეს

პრემიერ ლიგის 20 კლუბიდან ყველაზე დიდ სარგებელს გლეიზერები ნახულობენ.

პრემიერ ლიგის კლუბებს უზარმაზარი ფინანსური რესურსი რომ აქვთ, ეს ცნობილი ფაქტია. ამისი ერთ-ერთი მთავარი მიზეზი ის არის, რომ თითქმის ყველა მათგანს ძალიან მდიდარი მფლობელი ჰყავს.

თუმცა კლუბის მფლობელები თავიანთი ფინანსური მოტივაციებით მკვეთრად განსხვავდებიან ერთმანეთისგან. მაგალითად, რუსი მილიარდელი რომან აბრამოვიჩისთვის "ჩელსი" ჰობია, საყვარელი საქმე, რომელსაც დიდძალ რესურსს ახარჯავს და მისგან ფინანსურ მოგებას არ ელის. ამაზე მეტყველებენ ციფრებიც: ბოლო 5 წელში აბრამოვიჩმა კლუბში £440 მილიონით უფრო მეტი ჩადო, ვიდრე უკან ამოიღო. ეს მაჩვენებელი მეტია, ვიდრე პრემიერ ლიგის ნებისმიერი კლუბის მფლობელის.

შვეიცარიულმა გამოცემა Swiss Ramble-მა, რომელიც ძირითადად საფეხბურთო ბიზნესსა და ფინანსებს სწავლობს, დაითვალა პრემიერ ლიგის ყველა კლუბის მფლობელის კლუბში ჩადებული და უკან ამოღებული თანხა. მონაცემების მიხედვით, ბოლო ხუთ წელში პრემიერ ლიგის 20 გუნდიდან 12-ის მფლობელმა კლუბში უფრო მეტი თანხა ჩადო, ვიდრე უკან ამოიღო. მათ შორის არიან "ჩელსი", "სიტი" და "ლივერპული". "არსენალის" ხელმძღვანელობამ ზუსტად იმდენივე ამოიღო, რამდენიც ჩადო, ხოლო დარჩენილი 7 კლუბის მფლობელებმა კლუბიდან უფრო მეტი აიღეს, ვიდრე თავად მისცეს.

პრემიერ ლიგის კლუბების მფლობელების ფინანსების მოძრაობა ბოლო 5 წელში

როგორც გრაფიკიდანაც ხედავთ, გლეიზერებმა კლუბიდან £89 მილიონით (ყველაზე მაღალი მაჩვენებელი) უფრო მეტი ამოიღეს იუნაიტედიდან, ვიდრე თავად ჩადეს, მათ მოყვებიან "ტოტენჰემის" მფლობელები (£40) და "ნიუკასლის" მფლობელი მაიკ ეშლი (£18).

საინტერესო მონაცემებია კლუბების მხრიდან აღებული და დაფარული სესხების თანხების შედარებისასაც. ბოლო 5 წელში ყველაზე მეტი - £561 მილიონი "ტოტენჰემ ჰოთსპურსმა" ისესხა, რაც ახალი სტადიონის მშენებლობით იყო განპირობებული.

ყველაზე მეტი თანხა სესხების დაფარვაში არსენალმა გაიღო, მათ ბოლო 5 წელში £101 მილიონით მეტი გაიღეს სესხების დაფარვაში, ვიდრე აიღეს, რაც ლოგიკურია, რადგან ისინი ჯერ კიდევ ისტუმრებდნენ "ემირეიტსის" მშენებლობის ხარჯებს. საინტერესოა, რომ "არსენალის" შემდეგ ვალების დასაფარად ყველაზე დიდ თანხას "იუნაიტედი" იღებს.

ცხადია, როცა საქმე ტრანსფერებში დახარჯულ თანხებზე მიდგება, ოლე გუნარის გუნდი აქ ჯერ კიდევ ერთ-ერთი მოწინავეა. Sky Sports-ის მიხედვით, წითელი ეშმაკები მხოლოდ "ჩელსის" ჩამორჩებიან ბოლო 4 სატრანსფერო ფანჯარაზე დახარჯული თანხებით.

წყარო: SportBible

სტატიები

9 კომენტარი

№1

ავტორი: SANDROGRIGA

4 ოქტომბერი 2020 12:41

სიახლეები: 1
კომენტარები: 11136

მადლობა ავტორს საინტერესო სიახლისთვის. ერთი რამ მიკვირს, აქ ბევრს ვწერთ ჩვენ რო გლეიზერებს საფეხბურთო წარმატება არ აინტერესებთ და ბიზნესისთვის აქვთ კლუბიო, ხოდა რაც უფრო წარმატებული იქნება გუნდი საფეხბურთო თვალსაზრისით, მით უფრო მომგებიანი ,,ბიზნესი” ხო იქნება გლეიზერებისთვისაც ეს. ვერ ვიტყვით რო რესურსებს არ დებენ, ასტრონომიული თანხები გაისროლეს და კიდე გაისვრიან მარა სიყვარულით მართლა რო უყვარდეთ ეს გუნდი, გაცილებით მეტს ჩადებდნენ, ვიდრე ამოიღებდნენ, როგორც სტატიაშია მიცემული, ამიტო ამათი შეცდომა ჩემი აზრით ისაა რო, მარკეტინგზე გათვლილი ტრანსფერებით კი არ უნდა ცდილობდნენ მოგების ნახვას, არამედ საფეხბურთო წარმატების მომტან სწორ და საჭირო ტრანსფერებს უნდა დებდნენ, ამ ბოლო დროს დაიწყო ეს ყველაფერი მარა უკვე სხვა შიდა ფაქტორები გაჩნდა. მაგალითად, ფალკაოს, დი მარიას, შვაინშტაიგერის და ა.შ. მოთამაშეების მოყვანა სუფთა მარკეტინგი იყო და მაგიტოა ტიტულები ვერ მოიგო მარა ფინანსური მოგება ნახა და ჯერ კიდევ ნახულიბს გუნდი, ეს მიდგომა უნდა შეიცვალოს თორე ფულს ჟმოტავენო ასე ცალსახადაც მე პირადად ვერ ვიტყოდი.

№2

ავტორი: ikeoni

4 ოქტომბერი 2020 12:57

სიახლეები: 0
კომენტარები: 11520

მადლობა ავტორს მართლა ძალიან საინტერესო სტატია..ედისონა რა ვერ ჩაფრინდა კიდე ურემით მიდის??:)))

№3

ავტორი: zulte waregem

4 ოქტომბერი 2020 13:18

სიახლეები: 0
კომენტარები: 117

საქმე იმაში არაა რამდენსაც ჩადებ იმდენს ამოიღებ, არამედ რამდენად სწორად დახარჯავ ტრანსფერებისთვის გამოყოფილ თანხას. ასევე ფეხბურთელების გაყიდვის მხრივაც. აი მაგალითად რეალი თავის ყველაზე უსარგებლო ფეხბურთელსაც ძალიან ძვირად ყიდის. დანილოზე ასე არ იყო მაგალითად? ბოლო წლებში უამრავი არამიზნოვად დახარჯული თანხა და ასევე კაპიკებში გაყიდული ფეხბურთელები. ესაა ერთ-ერთი უმთავრესი მიზეზი კლუბის დანგრევის

№4

ავტორი: Phil Jones

4 ოქტომბერი 2020 13:36

სიახლეები: 9
კომენტარები: 1894

კავანის ხვალ ვიფორმებთ...

რაც შეეხება სანჩოს არაა დასრულებული ყველაფერი, გუშინაც არ იყო განაცხადში, ეგ ტყუილად არ ხდება ხოლმე და როგორც ყოველთვის ბოლო დღეს მოყავთ ამათ ფეხბურთელები აი ნახავთ ხვალ გააფორმებენ.

№5

ავტორი: bendzela

4 ოქტომბერი 2020 14:09

სიახლეები: 0
კომენტარები: 935

ციტატა: Phil Jones

ნეტა მართლა მასე იყოს მარაა არამოგნია რო სანჩო მოიყვანონ დორტმუნდის დირექტორმა განაცხადა რო ცუდათ არის და მაგიტო ვერ მოხვდა განაცხადშიო

№6

ავტორი: ikeoni

4 ოქტომბერი 2020 14:48

სიახლეები: 0
კომენტარები: 11520

ციტატა: Phil Jones

შენ პირს შაქარი :)))

№7

ავტორი: ozymandias

4 ოქტომბერი 2020 14:54

სიახლეები: 0
კომენტარები: 416

სანჩო გამორიცხულოია.მოკლედ უტრანსფერო გუნდი ვართ რა სადაც ველოდით და გვჭირდებოდა გაძLიერება მანდ არ მოგვიყვანია არავი.მოკლედ ერთიც კარგია და მეორეც მაგრამ ვრჩებით ისევ უამრავ პრობლემებში და ოლე კიდე ერთ ადგილს აძლევს უფროსობას.მარტო მაგის გამ ოარ უნდა გააჩერო ეგ კაცი კლუბში

№8

ავტორი: Dato kutaisi

4 ოქტომბერი 2020 16:38

სიახლეები: 8
კომენტარები: 3225

მადლობა სტატიის ავტორს.ვინც ბიზნესში ერკვევა ის ამ ციფრებში სხვა რამეს უფრო დაინახავდა.სტატიის მოტივაციაა გლეიზერები დაადანაშაულოს თითქოს ისინი ფულს არ ხარჯავენ. ზოგადად პირველი ცხრილი ეს არის მფლობელის მიერ თანხის ჩასხმა გუნდში როგორც ბიზნესში.ასეთი აქტივობა მფლობელს სჭირდება მაშინ როდესაც ბიზნესი არ არის თვითკმარი ან ინფრასტრუქტურული პროექტისთვის სჭირდება ფინანსირება.სხვა შემთხვევაში რომელი ბიზნესმენი თვლის ბიზნესს წარმატებულად თუ იქეთ უნდა ჩაასხას სულ ფინანსები?ზოგადად ძალიან მითივით არის თითქოს მფლობელები თავიანთ ფულს გამოყოფენ და გუნდი ტრანსფერებზე აქტიურია.ტყუილია ეგ.გუნდი ხარჯავს იმდენს რამდენიც თავად აქვს და ფეარ ფლეის პრონციპები მიტომ არსებობს რომ მასე ნებისმიერმა შეიხმა შეიძლება იყიდოს მთელი ვარსკვლავეთი.არ ხდება ეგრე.რაც შეეხება იმ ლაიტმოტივს რაც სტატიას აქვს რომ გლეიზერებმა მეტი ფული ამოიღეს ვიდრე ჩადესო,ეგეც არასწორი მიდგომაა.ჩადებული ფინანსები ან დივიდენდის ან წილის სახით იდება ბიზნესში და ის ისეთივე ვალია როგორც ბანკის,რაც შეეხება ვაკების გასტუმრებას და ასეთ ციფრებს,აქაც ყველაფერი იმას მიანიშნებს რომ გუნდი მენეჯმენტი ყველა გუნდზე უფრო მაგრად მუშაობს ფინანსების,მარკეტინგისა და ბრენდინგის საკითხებში.აბა ჩაჯმული გუნდი მარკეტინგულად გაყიდვადი რომაა ეგაა ზუსტად პროფესიონალიზმის პიკი.
რაც შეხება ტრანსფერებს ოლემ იბჟუტურა და ლამის თქვა ყველაფერი რაც დამალული იყო და თუ ვინმე არ მოდის რიოს არ იყოს ოლეს ბრალიცაა

№9

ავტორი: Manutd.ge

4 ოქტომბერი 2020 20:16