იტალიური “რომას” 20 წლის შემტევის – ერიკ ლამელას აგენტმა პაბლო საბაგმა განაცხადა, რომ მისი კლიენტი ინგლისურ “მანჩესტერ იუნაიტედში” გადასვლას არ გეგმავს.
“ჯერჯერობით, “მანჩესტერისგან” ოფიციალური წინადადება არ მიგვიღია. ასე რომ, გავრცელებული ხმები სიმართლეს არ შეესაბამება. და ეს რა თქმა უნდა ჭორია."
"მანჩესტერელებთან კარგი ურთიერთობა მაქვს, მაგრამ ლამელას ტრანსფერზე არასდროს გვისაუბრია" - განაცხადა ლამელას აგენტმა.
"დარჩება თუ არა ერიკი “რომაში” სეზონის დასრულების შემდეგ? ამაზე საუბარი ნაადრევია” - განაცხადა ლამელას აგენტმა საბაგმა Gazzettagiallorossa.it-თან ინტერვიუში.
შეგახსენებთ ევროპულ პრესაში გავრცელებული ინფორმაციით, “იუნაიტედი” “რომას” 20 წლის ფეხბურთელის ლამელას სანაცვლოდ 35 მილიონ ევროს სთავაზობს.