"მანჩესტერ იუნაიტედის" ოთხი ფეხბურთელია წარდგენილი პრემიერ ლიგის სეზონის საუკეთესო ახალგაზრდა მოთამაშის ნომინაციაზე.

მეისონ გრინვუდი, დინ ჰენდერსონი, ენტონი მარსიალი და მარკუს რეშფორდი რვაკაციანი სიის წევრები არიან.

გრინვუდმა მიმდინარე სეზონის დასრულებულ გათამაშებაში 10 გოლი გაიტანა, ხოლო ჰენდერსონმა სეზონი "შეფილდ იუნაიტედში" გაატარა იჯარის წესით, სადაც ცხრაჯერ მოახერხა კარის მშრალად შენახვა. რაც შეეხება მარსიალსა და რეშფორდს, მათ გოლებით დახუნძლული სეზონი ჰქონდათ.

დუეტმა 17-17 გოლი გაიტანა, რითაც კარიერის საუკეთესო შედეგი აჩვენა და მოხვდა ნომინაციაში, რომელშიც 23 წლამდე ფეხბურთელები ხვდებიან.

გამარჯვებულის ვინაობა გულშემატკივართა ხმის მიცემით გადაწყდება, რისი გაკეთებაც შემდეგ ბმულზე შეგიძლიათ: ხმის მიცემა

ნომინანტთა სრული სია:

ტრენ ალექსანდერ-არნოლდი - (ლივერპული)
ჯეკ გრილიში - (ასტონ ვილა)
მეისონ გრინვუდი - (იუნაიტედი)
დინ ჰენდერსონი - (იჯარა "შეფილდ იუნაიტედში")
ენტონი მარსიალი - (იუნაიტედი)
მარკუს რეშფორდი - (იუნაიტედი)
მეისონ მაუნტი - (ჩელსი)
კრისტიან პულისიკი - (ჩელსი)

წყარო: manutd.com