"მანჩესტერ იუნაიტედი" 50 მილიონზე მეტს არ გადაიხდის სანჩოსთვის, ამის შესახებ Sky Sports- ს განუცხადეს "მანჩესტერის" წარმომადგენლებმა.

ახალგაზრდა ნახევარმცველს სურს პრემიერ-ლიგაში დაბრუნება, მაგრამ "იუნაიტედს" და "ბორუსიას" სხვადასხვა მოსაზრებები აქვთ - გერმანულ კლუბს სურს 100 მილიონი ფუნტის მიღება იმ მოთამაშისთვის, რომელიც მათ "მანჩესტერ სიტიდან" შეიძინეს 8 მილიონი ფუნტად, 2017 წლის აგვისტოში .

"იუნაიტედი" რჩება მთავარ ფავორიტად, მაგრამ "ოლდ ტრაფორდის" კულისებს მიღმა მიაჩნიათ, რომ "ბორუსიას" მოთხოვნები პანდემიის პირობებში არ არის რეალური და თუ სურთ გარიგება, ფასი უნდა შეამცირონ.

ორშაბათს, "ბორუსიამ" გამოაცხადა, რომ მაყურებლის გარეშე თამაში მათ 41 მილიონი ფუნტის ზარალს მოუტანს, "იუნაიტედი" კი საჭირო მომენტს ელობდა, რადგან მათ მაინც მოუწევთ თავიანთ ლიდერებს შეელიონ.

ამავდროულად, "ბორუსიას" მენეჯმენტსაც ესმის, რომ სანჩოს მიმდინარე კონტრაქტი ორი წლის შემდეგ იწურება და მას უფასოდ შეუძლია დატოვოს კლუბი 2022 წლის ზაფხულში.

ტელეარხის ცნობით, ბირმინგემის 17 წლის ნახევარმცველს ჯუდ ბელინგემს შეუძლია მნიშვნელოვანი როლი შეასრულოს სანჩოს მოლაპარაკებებში. ახალგაზრდა ინგლისელი უკვე რამდენიმე კვირაა აკეთებს არჩევანს "ბორუსიასა" და "იუნაიტედს" შორის და ეს საკითხი შეიძლება სწრაფად მოგვარდეს, თუ "დორტმუნდი" სანჩოს გადასცემს "წითელ ეშმაკებს", მაშინ "იუნაიტედი" თავის მხრივ შეწყვეტს ბელინგემისთვის მოლაპარაკებებს.

ვრცელდება ინფორმაცია, რომ "იუნაიტედს" ჯერ არ გაუკეთებია ოფიციალური შეთავაზება.


https://www.skysports.com/