პატრის ევრამ "მანჩესტერ იუნაიტედის" ოფიციალურ გვერდთან, კლუბში გატარებული დრო გაიხსენა და სერ ალექს ფერგიუსონის შესახებ უცნობი ისტორია მოყვა.

"გულახდილად გეტყვით, როცა თქვენ ტიტულს იგებთ მესამედ, მეოთხედ და მეხუთედ, ისევე აღარ აღნიშავთ, როგორც ადრე. კამერების წინ ზეიმობთ, თუმცა ეს ემოცია ნამდვილი არ არის."

ფერგიუსონმა ჩვენ ყველას გვასწავლა, თუ როგორ დავმსგავსებოდით რკინის ადაიანებს. როდესაც მატჩებს ვიგებდით, კმაყოფილად არ ვგრძნობდი თავს. ეს ჩემთვის რაღაც ნორმალური იყო.

ყოველთვის ავღნიშნავ, რომ დეშამმა გამარჯვება მასწავლა. ფერგიუსონმა კი მასწავლა, რომ გამარჯვება ნორმალურია.

მახსოვს, როცა დიდ გამარჯვებას მოვიპოვებდით "ლივერპულის" წინააღმდეგ, ის მეუბნებოდა - "ყოჩაღ შვილო". ის არასდროს ყვიროდა, გარდა ერთი შემთხვევისა, როცა ჩემპიონთა ლიგის ფინალი მოვიგეთ. ჩემპიონატის მოგება კი ეს უბრალოდ ჩვეულებრივი მოვლენა იყო.

როდესაც "იუნაიტედის" მაისური გაცვიათ, გასოვდეთ,რო თქვენ არ იყენებთ ამ გუნდს, ეს თქვენ თამაშობთ "მანჩესტერისთვის". სწორედ ამიტომ ხართ სოციალურ ქსელებში ასეთი პოპულარული.

ერთ ისტორიას მოგიყვებით: წინასასეზონო სამზადისი გვქონდა. მატჩის შემდეგ ძალიან დაღლილები ვიყავით. ავტობუსში ვიმყოფებოდით. იქვე ქომაგთა არმია იდგა. - თუ გულშემატკივრებს ავტოგრაფს არ ვაძლევდით, ეს ნიშავდა, რომ არცერთ ჩვენგანს არუნდა მიეცა ავტოგრაფი. წესი გვქონდა უბრალოდ ასეთი.

ფანჯრიდან გავიხედე და რას ვხედავ - ალექს ფერგიუსონი დგას და ყველა მათგანს ავტოგრაფს აძლევს. გეფიცებით, ის ზუსტად 45 წუთი იდგა და ავტოგრაფებს არიგებდა.

როცა ფერგიუსონი ავტობუსში ამოვიდა გვითხრა - "რა ჯანდაბაზე ფიქრობთ?! ეს ხალხი გიხდით ხელფასს. ეს ადამიანები მოდიან, რომ თქვენი თამაში ნახონ. ახლა ჩაეთრიეთ ქვემოთ და თითოეულ გულშემატკივარს ავტოგრაფი მიეცით. ეს იყო ფერგის მენტალიტეტი".


https://www.espn.com/