"მანჩესტერ იუნაიტედის" ყოფილმა ფეხბურთელმა, რობინ ვან პერსიმ 2013 წელს მომხდარი ამბავი გაიხსენა. "სიტისთან" მარცხის შემდეგ, სერ ალექს ფერგიუსონმა გასართობად წასული ორი ფეხბურთელი ფაქტიურად გაანადგურა.

"მანჩესტერ იუნაიტედის" რიგებში სადებიუტო სეზონს ვატარებდი და იმ მომეტისთვის პრემიერ ლიგაში მეორეადგილოსანს 15 ქულით ვუსწრებდით. შემდეგ სიტის ვუმასპინძლეთ, 2-1 დავმარცხდით და ჩვენი უპირატესობა 12 ქულამდე შემცირდა. მთავარი მწვრთნელების უმრავლესობა ამისგან ტრაგედიას არ შექმნიდა, მაგრამ ფერგი წაგებამ უბრალოდ გააცოფა. "სიტისთან" მარცხის შემდეგ, "მანჩესტერის" ორი ფეხბურთელი გასართობად წვეულებაზე წავიდა. სახელებს რათქმაუნდა არ დავასახელებ.

მომდევნო დღეს, ფერგიმ გასახდელში ფოტოები გვაჩვენა, რომლებზეც აღბეჭდილი იყო თუ როგორ ერთობოდა ის ორი მოთამაშე წინა ღამით. ამის შემდეგ შოტლანდიელმა გუნდს ასე მიმართა: "ბიჭებო, თუ ჩემპიონები ვერ გავხდებით, ამ ორი პრ***ს ბრალი იქნება, რომლებმაც ღამით გასართობად წასვლა გადაწყვიტეს". ფერგიმ ისინი მიწასთან გაასწორა. წარმოიდგინეთ, მას ჰქონდა ფოტოები, რომლებზეც მათი გართობის თითეული საათი იყო დაფიქსირებული.

ამ ყველაფრის შემდეგ ბოსმა ყველას მოგვმართა. თუ ტიტულის დასაკუთრებამდე, რომელიმე ფეხბურთელი გასართობად წავიდოდა, მას გუნდის დატოვება მოუწევდა. ის უბრალოდ შეუბრალებელი იყო და ასე მოგვმართა: "არ მაინტერესებს ვინ ხარ, არ მაინტერესებს რამდენი თასი მოგიგია. თუ სეზონის დასრულებამდე გასართობად წახვალ, შენ აქ ვეღარ ითამაშებ რადგან გაგყიდი.

ამის შემდეგ, ორი ისეთი რთული ვარჯიში მქონდა, რომელთა მსგავსიც ცხოვრებაში არასდროს მქონია. ფერგიმ ზუსტად იცოდა, როდის უნდა ყოფილიყო მკაცრი და როდის ლმობიერი.

ალბათ ყველა თქვენგანს ახსოვს, რომ იმ წელს ჩემპიონი რათქმაუნდა "მანჩესტერ იუნაიტედი" გახდა.

https://www.football365.com/