"The Independent" ცნობით, პრემიერ ლიგამ შეიმუშავა 2019-2020 წლების სეზონის დასრულების გეგმა, რომელიც ითვალისწინებს მოკლევადიან ტურნირს, როგორიცაა მსოფლიო თასი.
იმისათვის, რომ სეზონი არ გაუქმდეს და კლუბების უკმაყოფილება აიცილონ თავიდან, პრემიერ ლიგა გეგმავს იზოლირებული ბაზების შექმნას, რომელზეც გუნდები განთავსდებიან, შემდეგ კი დახურულ ტურნირის გამართავენ, რომელიც ტელევიზიით გადაიცემა და მაყურებელი ვერ შეძლებს დასწრებას. გამოცემის თანახმად, მსგავს გეგმაზე დადებითი პასუხი მიიღეს ინგლისის მთავრობისგან.
გავრცელდა ინფორმაცია, რომ განსაკუთრებული ყურადღება დაეთმობა საზოგადოებრივ უსაფრთხოებას, ხოლო ტურნირის ყველა მონაწილეს რეგულარულად ჩაუტარდებათ (COVID-19) ტესტები.
ამავდროულად, გუნდებს საშუალება ექნებათ გააფართოვონ თავიანთი სიები, ახლა მხოლოდ 25 კაცია დაშვებული, რათა გაუმკლავდნენ მატჩების ინტენსივობას, ასევე გაუქმდება უცხოელი მოთამაშეების ზღვარი- ნათქვამია გამოცემაში.