"The Independent" ირწმუნება, რომ სანჩო უკვე არაოფიციალურად შეუთანხმდა "მანჩესტერ იუნაიტედს"

ამავე დროს, 20 წლის ინგლისელი არ აპირებს არც "სიტის" და არც "ლივერპულის" წინადადების განხილვას, რადგან ორივე კლუბს მის პოზიციაზე ორ-ორი მოთამაშე ჰყავს.

ასევე ვრცელდება ინფორმაცია, რომ "იუნაიტედი" უკვე დაჰპირდა სანჩოს ლეგენდარულ შვიდ ნომერს, ხოლო ახალგაზრდა ინგლისელი მზად არის ოლდ ტრაფორდზე გადასვლელად თუნდაც იმ შემთხვევაში, თუ კლუბი ვერ მოხვდება ჩემპიონთა ლიგაზე შემდეგ სეზონში.

გამოცემაში ნათქვამია, რომ ინგლისელმა შეთავაზება განიხილა და "იუნაიტედის" წარმომადგენლებს სიტყვიერი თანხმობა განუცხადა. პირობების თანახმად, თუ სანჩო ორ წელიწადში სერიოზულ პროგრესს აჩვენებს და გუნდს წარმატების მიღწევაში დაეხმარება, მისი ხელფასი კვირაში 400000 ფუნტამდე შეიძლება გაიზარდოს.

კლუბი იმედოვნებს, რომ ასეთი მოტივაცია დაეხმარება გახდეს ახალგაზრდა ინგლისელი ერთერთი საუკეთესო თავის პოზიციაზე. სანჩოს უკვე უკეთესი სტატისტიკას აქვს კრიშტიანო რონალდუსა და ლეო მესისთან შედარებით. 20 წლის ასაკში მან 31 გოლი გაიტანა 90 მატჩში და 42 ასისტი მიითვალა , ხოლო ამ ასაკში პორტუგალიელს 107 მატჩში ჰქონდა 16 გოლი და 16 ასისტი, ხოლო მესის 26 გოლი და 8 ასისტი.

სანჩო ასევე გახდა პირველი მოზარდი, ვინც ბუნდესლიგაში 25 გოლი გაიტანა და გააუმჯობესა ჰირსტ კეპელის რეკორდი, რომელმაც 1972 წელს 24 გოლი გაიტანა. ასევე გახდა პირველი მოთამაშე, რომელიც ამ საუკუნეში დაიბადა და ინგლისის ნაკრების სასტარტო შემადგენლობაში მოხვდა.

სოლსკიაერი დარწმუნებულია, რომ სანჩო შესანიშნავად მოერგება ახალ პროექტს რომელსაც ქმნის. სანჩო მუდმივად ურთიერთობს მარკუს რაშფორდთან და გამოცემის თანახმად, "იუნაიტედის" თავდამსხმელმა არაერთხელ განუცხადა თავის მწვრთნელს, რომ სანჩო არის სანდო პიროვნება, რომ ის ღირსია ითამაშოს "წითელ ეშმაკებში" და რომ მას ნამდვილად მოსწონს იდეები, რომელიც სოლსკიაერს აქვს.


როგორც ოლეს, ისე ედ ვუდვორდს მიაჩნიათ, რომ სანჩო ახალ სეზონში გახდება მათი საუკეთესო შენაძენი და თუ მოთამაშე წარმატებას მიაღწევს ოლდ ტრეფორდზე, მაშინ მასში გადახდილი 130 მილიონი ევრო სულაც არ იქნება ასტრონომიული თანხა.

http://www.manutd.ru/