ჰარი კეინმა არ უარყო, რომ ამ ზაფხულში ლონდონური კლუბი შესაძლოა დატოვოს, რამაც ახალ ჭორებს დაუდო საფუძველი. თუ კეინი "ტოტენჰემს" დატოვებს, ის შესაძლოა "მანჩესტერში" "რეალში" ან "პსჟ-ში" აღმოჩდეს.
"Sky Sports-ის" ექსპერტ ჯეიმი რედნაპთან საუბარში, კეინმა თქვა, რომ მზად არის დატოვოს მოურინიოს გუნდი, თუ ის ვერ განვითარდება.
”დავრჩები "ტოტენჰემში" კარიერის დასრულებამდე? ეს არის ერთ-ერთი კითხვა, რომელსაც ვერ ვპასუხობ. ვერც კის ვიტყვი და ვერც არას, - თქვა კეინმა პირდაპირ ეთერში. ”მე მიყვარს ტოტენჰემი მაგრამ მე ყოველთვის ვამბობდი, რომ თუ არ ვგრძნობ, რომ ჩვენი გუნდი პროგრესირებს და სწორი მიმართულებით მივდივართ, მაშინ მე არ ვარ ის, ვინც უბრალოდ იქ დარჩება მხოლოდ სიყვარულის გულისთვის.”
მე ვარ ამბიციური მოთამაშე, მინდა გავუმჯობესდე, გავხდე უკეთესი. მსურს ვიყო მაღალი დონის მოთამაშე. ასე რომ, ყველაფერი დამოკიდებული იქნება იმაზე, თუ როგორი პროგრესი გვექნება. ასე რომ, ვერ ვიტყვი, რომ კლუბში სამუდამოდ დავრჩები, მაგრამ ვერ ვიტყვი, რომ ნამდვილად არ დავრჩები.
მიმდინარე წლის ივლისში კეინი 27 წლის გახდება. ამ სეზონში მან მოახერხა 25 მატჩის თამაში და 17 გოლი გაიტანა.