"მანჩესტერ იუნაიტედი" ზაფხულში დიდი ამბების დატრიალებას გეგმავს. "წითელი ეშმაკებისთვის" ყველაზე პრიორიტეტული თავდასხმის ხაზის გაძლიერებაა.
როგორც ესპანური "Mundo Deportivo" წერს, "მანჩესტერელებს" "ბარსელონას" შემტევის, ანტუან გრიზმანის გადაბირება სურთ. ისინი მზად არიან ფრანგს 7 ნომრიანი მაისური შესთავაზონ, რომელიც იჯარით წასულ ალექსის ეკუთვნის.
გრიზმანი "ბარსელონაში", გასულ ზაფხულს, "მადრიდის ატლეტიკოდან" 120 მილიონი ევროს სანაცვლოდ გადავიდა. "ბლაუგრანას" მაისურით ჩატარებულ 37 შეხვედრაში, 29 წლის ფეხბურთელის ანგარიშზე, 14 გოლი და 4 საგოლე გადაცემაა.
ცოტა ხნის წინ, კიდევ ერთმა ესპანურმა გამოცემა, "Diario" დაწერა, რომ კატალონიელები მზად არიან გრიზმანს შეელიონ. ფრანგი შემტევი, იმ რვაკაციან შავ სიაში მოხვდა, რომელთა გაყიდვასაც ისინი ზაფხულში აპირებენ.