"მანჩესტერ იუნაიტედმა" განაცხადა, რომ ყველაფერს გააკეთებს იმისთვის, რათა კლუბის მიერ დაქირავებულმა დროებითმა არც ერთმა თანამშრომელმა არ იგრძნოს საფეხბურთო სეზონის დროებით შეწყვეტა და რომ თითოეული მათგანი სრულად მიიღებს ანაზღაურებას.
3000-ზე მეტ დროებით თანამშრომელს, რომლებსაც კლუბი იყენებს მატჩების დროს, მიიღებენ კუთვნილ ანაზღაურებას. ეს კლუბს დაუჯდება 1 მილიონ ფუნტზე მეტი.
"ჩვენ ვაფასებთ ჩვენს პერსონალს, რომელიც გულშემატკივრებს უზრუნველყოფს განსაკუთრებული მომსახურებით, მათ აქვთ დიდი გამოცდილება” - თქვა ვიცე-პრეზიდენტმა ედ ვუდვორდმა. ჩვენ გვესმის, რომ არნახულ ვითარებაში ვართ და გვინდა დავიცვათ ჩვენი პერსონალი, არ აქვს მნიშვნელობა რა მოხდება სეზონის დარჩენილ მატჩებთან. ჩვენ გვინდა, რომ რაც შეიძლება მალე მივესალმოთ ჩვენს გულშემატკივრებს და ჩვენს თანამშრომლებს ოლდ ტრაფორდზე.
"მანჩესტერ იუნაიტედმა" არა მხოლოდ დაუბრუნა ბილეთების ფული 900-მდე გულშემატკივას, რომლებიც აპირებდნენ "ლასკთან" უკვე გადადებულ მატჩს დასწრებოდნენ, არამედ თითოეულ მათგანს გადაუხადა 350 ფუნტი, რითაც აუნაზღაურა მგზავრობის და სხვა ხარჯები.