"მანჩესტერ იუნაიტედმა" მაინც გააუქმა პირველი გუნდის ვარჯიშები ბრიტანეთის მთავრობის რეკომენდაციების გამო, იუწყება "Manchester Evening News".
ადრე გავრცელდა ინფორმაცია, რომ ფეხბურთელები დღეს კარინგტონში უნდა ჩასულიყვნენ ვარჯიშის გასაგრძელებლად, თუმცა პრემიერ-მინისტრის ბორის ჯონსონის განცხადების შემდეგ, რომელმაც მოქალაქეებს სთხოვა თავი შეიკავონ ზედმეტი კონტაქტებისგან, კლუბმა შეიცვალა აზრი.
კლუბის პრესსამსახურის წარმომადგენელმა შემდეგი განცხადება გააკეთა: ”მთავრობის რეკომენდაციების გათვალისწინებით და შეცვლილი ვითარების გათვალისწინებით, გუნდი აღარ დაბრუნდება ვარჯიშზე”.
შეგახსენებთ, რომ ინგლისში ყველა საფეხბურთო მატჩი შეჩერებულია 3 აპრილამდე, ხუთშაბათს კი პრემიერ ლიგა გამართავს საგანგებო შეხვედრას, რათა განიხილოს სეზონის დასრულების გეგმები.