"იუნაიტედის" მცველი ერიკ ბაი დარწმუნებულია, რომ წარსულში ფეხბურთელობა, ეხმარება ოლე გუნარ სოლსკიაერს მწვრთნელობაში.
"ჩემთვის მნიშვნელოვანია, რომ შევძლო იმ მწვრთნელთან მუშაობა, რომელიც ფეხბურთს თამაშობდა”, - თქვა ერიკმა "ESPN– სთან" ინტერვიუში.
ფეხბურთი არ არის მხოლოდ უშუალოდ თამაში მოედანზე, მის გარშემო სხვა ბევრი რამ ხდება, რასაც ხალხი ვერ ხედავს. ჩვენმა მწვრთნელმა ეს ყველაფერი კარგად იცის და ეს გუნდს ძალიან ეხმარება. გარდა ამისა, რომ ჩვენი მწვრთნელია, ის ძალიან კარგი ადამიანია. მე ვიტყოდი, რომ მას ვუყურებ როგორც ბიძაჩემს და როცა კლუბში ასეთი ადამიანი გყავს, ეს ფეხბურთელებს მეტ ძალას მატებს.
ჩვენი მწვრთნელი ერთ-ერთია იმ ადამიანებიდან, ვინც ყოველთვის გესაუბრება. ის ყოველთვის ურთიერთობს ყველასთან. ის ყოველთვის კითხულობს ფეხბურთელების მდომარეობას და თუ რამი ისე არ არის, მაშინვე მოვა და ისაუბრებს. ის გარკვეულ რჩევებს გვაძლევს, რომელიც ფეხბურთელს ეხმარება საკუთარი თავის და შესაძლებლობებისადმი ნდობის აღდგენაში. ეს განსაკუთრებით მნიშვნელოვანია, რადგან ჩვენ ძალიან ახალგაზრდა გუნდი გვყავს და როდესაც მწვრთნელი ასე ეპყრობა თავის ფეხბურთელებს, ისინი უფრო ძლიერი და ძლიერი გახდებიან.
ერიკმა ისაუბრა აგრეთვე იმაზე, თუ როგორია ცხოვრება ინგლისში.
რა მომწონს "მანჩესტერში"? ჩვეულებრივ, ასეთ კითხვაზე პასუხის გაცემისას ყველა ხუმრობს, რომ მოსწონს ამინდი [იცინის]. რადგან ყველამ იცის, რომ "მანჩესტერში" ამინდი არ არის კარგი. რაც მე ნამდვილად მომწონს არის ატმოსფერო ქალაქში. აქ ხალხი ნამდვილად ცხოვრობს ფეხბურთით. მათი ვნება თამაშისთვის წარმოუდგენელია! ამიტომ, აქ ვცხოვრობ, ყოველ წუთს ვგრძნობ და მაქსიმუმი უნდა ვაჩვენო ამ ხალხის გულისთვის.