"Times- ი" თავის ექსკლუზიურ მასალაში ირწმუნება, რომ ინგლისში ყველა საფეხბურთო მატჩი ჩატარდება მაყურებლის გარეშე. მთავრობის გეგმის შესაბამისად, კორონა ვირუსის გავრცელების წინააღმდეგ ბრძოლის მიზნით, რომელიც სავარაუდოდ დღეს გამოქვეყნდება.
გამოცემის ცნობით, ინგლისის მთავრობა კომიტეტის სხდომის შემდეგ მიიღებს შემდეგ ზომებს:
- პრემიერ ლიგის მიმდინარე სეზონი არ შეჩერდება, ყველა მატჩი გაიმართება დახურულ კარს მიღმა;
- ყველა სეზონური ბილეთის მფლობელს ექნება საშუალება, პირდაპირი ეთერის საშუალებით ადევნოს თალი თამაშებს.
- აიკრძალება მაუწყებლობა ბარებში და სხვა თავშეყრის ადგილებში.
გეგმა დამტკიცდება, როგორც კი ინგლისში "კორონა ვირუსით" ინფიცირებულთა რიცხვი 500 კაცს მიაღწევს. გუშინ ეს მაჩვენებელი 460 იყო.
მთავრობა თვლის, რომ ეს არის ერთადერთი შესაძლო გზა, რომ დასრულდეს საფეხბურთო სეზონი გართულებების გარეშე.