"მანჩესტერ იუნაიტედმა" ოფიციალურად გამოაცხადა, რომ ტაჰიტ ჩონგმა კლუბთან ახალი კონტრაქტი გააფორმა 2022 წლის ივნისამდე.

20 წლის ნახევარმცველი 2016 წელს აკადემიას შეუერთდა, ამჟამად პირველი გუნდში 14 მატჩი აქვს ჩატარებული.

კონტრაქტის ხელმოწერის შემდეგ, ჩონგმა თქვა: როდესაც მე მოვედი "იუნაიტედში" ჩემი ოცნება ახდა. ჩემთვის დიდი პატივია, ამ მაისურის ტარება. ყოველდღე ვმუშაობ ჩემს პროგრესზე და ვიცი, რომ აქ არის იდეალური გარემო ჩემი თამაშის განვითარებისთვის.

აქ მე მაქვს ფანტასტიკური შესაძლებლობა ვისწავლო ჩვენი მწვრთნელის, მისი თანამშრომლებისა და მსოფლიო დონის მოთამაშეებისგან. მოხარული ვარ, რომ ხელი მოვაწერე ახალ კონტრაქტს და ძალიან მადლობელი ვარ, რომ მომეცა შანსი. იმედი მაქვს, რომ ჩემი კარიერის მრავალ წელს გავატარებ აქ.


ოლე გუნარ სოლსკიაერმა ასევე თქვა რამდენიმე სიტყვა: ტაჰიტი ყოველდღიურად ბევრს მუშაობს და მუდმივად იხვეწება. იგი შრომისმოყვარე, ერთგულია და მას ძალიან მტკიცე ხასიათი აქვს. ჩვენ კმაყოფილი ვართ იმ პროგრესით, რომელიც მან აკადემიიდან პირველ გუნდში გადასვლის შემდეგ აჩვენა და ჩვენ კიდევ უნდა განვავითაროთ მისი ნიჭი.

ჩონგს დიდი პოტენციალი აქვს. იმის გათვალისწინებით თუ როგორია მისი ასაკი, უნარი და სამუშაო ეთიკა, დარწმუნებული ვარ, რომ მას დიდი მომავალი ექნება "მანჩესტერ იუნაიტედში" - დაასრულა ოლემ


http://www.manutd.ru