"იუნაიტედის" ყოფილმა ნახევარცმველმა ლუიშ ნანი თქვა, რომ მან პირადად ურჩია ბრუნო ფერნანდეშს, რომ ის "იუნაიტედში" გადასულიყო და არა "სიტიში" ნანი და ბრუნო 6 თვის განმავლობაში თამაშობდნენ ერთად "სპორტინგის" შემადგენლობაში.
როდესაც მე მასთან ერთად ვთამაშობდი, ვნახე მისი დიდი ნიჭი და დიდი პოტენციალი. ერთხელ მასთან საუბრისას შევეცადე მოტივაცია მიმეცა, რომ უფრო მეტი დრო დაეთმო ფიზიკური ვარჯიშისთვის. რადგან ეს იყო ერთადერთი რამ, რაც მას სჭირდებოდა, რათა ინგლისში, ესპანეთში ან სხვა უმაღლეს ლიგაში მაღალ დონეზე ეთამაშა.
მე მას ვურჩიე, რომ მისი მხრიდან საუკეთესო ნაბიჯი იქნებოდა, თუ ის ინგლისში გადავიდოდა სათამაშოდ. რადგან მისი თამაშის სტილი პრემიერ ლიგას სრულად შეესაბამება. მე ვუთხარი, რომ მას შეეძლება ლამაზი თამაშის ჩვენება და შორი დისტანციიდან გოლების გატანა, რაზეც ინგლისელი გულშემატკივარი უბრალოდ გიჟდება.
როგორ კი გავიგე, რომ ის ინგლისში უნდა გადასულიყო, მხოლოდ ერთი რამ ვუთხარი. არ აირჩიო "სიტი", მხოლოდ "იუნატედი" უნდა აირჩიო. რამდენიმე თვის შემდეგ, ის გადავიდა ოლდ ტრაფორდზე და მე ბედნიერი ვიყავი, რადგან მან მიიღო რჩევა და სწორი არჩევანი გააკეთა. ეს ბიჭი საუკეთესოა - დაასრულა ნანიმ.